ماجىلىستە "ەڭبەك كودەكسىنە قاشىقتىقتان جۇمىس ىستەۋدى قۇقىقتىق رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى تانىستىرىلدى. جوباعا پارلامەنت دەپۋتاتتارى باستاماشى بولعان. بۇل تۋرالى تومەنگى پالاتانىڭ وتىرىسىندا ايتىلدى.
قۇقىقتىق جانە الەۋمەتتىك-ەكونوميكالىق وڭ ناتيجەلەر كۇتىلەتىن زاڭ جوباسى بويىنشا قورىتىندى بيىلعى 22 جەلتوقسانعا دەيىن ازىرلەنەدى.
الەۋمەتتىك-مادەني دامۋ كوميتەتىنىڭ ءتوراعاسى ءجاميلا نۇرمانبەتوۆا قىزمەتكەرلەردى قاشىقتان جۇمىس ىستەۋگە اۋىستىرۋ تاجىريبەسى ەڭبەك زاڭناماسىن جەتىلدىرۋ قاجەتتىگىن كورسەتكەنىن ايتتى.
– وسىعان بايلانىستى زاڭ جوباسى قاشىقتان جۇمىس ىستەۋگە بايلانىستى ەڭبەك قاتىناستارىن رەتتەۋدى كوزدەيدى، – دەدى دەپۋتات.
زاڭ جوباسىندا ۋاقىتشا جانە ارالاس جۇمىس رەجيمىن ەنگىزۋ، جۇمىس كەستەسى، جۇمىس ۋاقىتى، قىزمەتكەر مەن جۇمىس بەرۋشىنىڭ جاۋاپكەرشىلىگىن بەلگىلەۋ سىندى نورمالار بار.
ايتا كەتسەك، بىلتىر كوكتەمدە پاندەميا باستالعاننان كەيىن قازاقستاندىقتاردىڭ 70 پايىزى قاشىقتان جۇمىس ىستەۋگە كوشكەن.
پىكىر قالدىرۋ