اپ-ساتتە قاساپشى بولىپ كەتكەن جۇمىسشىلاردىڭ قىلىعى الەۋمەتتىك جەلى قولدانۋشىلارىن قاتتى اشۋلاندىردى. ال قۇرىلىسشىلار قۇرباندىق شالدىق دەپ اقتالىپ الەك.
ولجاس ەسەنالين، قۇرىلىس نىسانى اۋماعىنىڭ باسشىسى:
- قيىن بولعاندا مۇسىلماندار قۇدايدان عانا كومەگىن سۇرايدى. قۇرىلىسپەن قيىن بولعان دا، ادام بولماعان دا. قۇدايدان سۇراپ، ويىمىز سول بولدى عوي. استانادا ءقازىر قۇربان شالۋ، جەتىم-جەسىرگە كومەك كوپ. بۇكىل ەتتى وزىمىزگە قالدىرماي، تاراتىپ جىبەردىك. كرانشىعا ءوزىم ايتتىم، "كوتەرىپ جىبەر" دەدىم. ەندى ونداي بولمايدى.
سيىردى توبەگە كوتەرۋدى قىزىق كورگەن ولجاس ەسەنالين جانۋاردى 300 مىڭ تەڭگەگە شارۋا قوجالىعىنان ساتىپ الىپتى. ءۇيدىڭ توبەسىندە قۇران وقىپ باۋىزداعاننان كەيىن، ونى جەرگە قايتا ءتۇسىرىپ سويعان. 250 كەلىدەي ەت العان قۇرىلىسشى، "بەس-بەس كەلىدەن مۇقتاج ادامدارعا ەت تاراتتىق" دەيدى. كىمگە تاراتقانىن سۇرادىق، ول ءمۇدىرىپ قالدى. بەينەكادرعا سالىنىپ جاتقان ۇيگە كورشى تۇراتىندار ءتۇسىرىپ ۇلگەرگەن. اۋەسقوي تۇسىرىلىمنەن سيىردى كرانمەن كوپقاباتتى ءۇيدىڭ توبەسىنە كوتەرىپ جاتقانى انىق كورىنەدى. ءتورت اياعى جىپكە بايلانعان بايعۇس جانۋار جۇلقىنىپ جاتىر. قۇرىلىس ەلوردانىڭ سول جاعالاۋىنداعى جاڭا تەمىرجول ۆوكزالىنىڭ ارتىندا جۇرگىزىلۋدە. جانۋارعا جاۋىزدىق جاساعان قۇرىلىسشىنىڭ قانداي جازاعا تارتىلاتىنىن پوليسيا دەپارتامەنتى ءالى شەشپەپتى.
ەلميرا شاۋلەنوۆا، نۇر-سۇلتان قالاسى پد باسپا ءسوز قىزمەتىنىڭ جەتەكشىسى:
- وقيعا بيىل 15 اقپاندا ساعات 11:30-دا ناجىمەدەنوۆ كوشەسىندە سالىنىپ جاتقان تۇرعىن ءۇي كەشەنىندە بولعان. پوليسيا قىزمەتكەرلەرى اتالعان وقيعانىڭ بارلىق قاتىسۋشىلارىن انىقتادى. فاكتى بويىنشا تەكسەرۋ جۇرگىزىلۋدە. قز زاڭىنا سايكەس شارا قولدانىلادى.
KTK.KZ
پىكىر قالدىرۋ