الماتى قالاسىنىڭ اكىمى باقىتجان ساعىنتايەۆ كوروناۆيرۋس ينفەكسياسىنا قارسى ۆاكسينا سالدىرۋعا دايىن ەكەنىن ايتتى.
شاھار باسشىسى ىندەتكە قارسى ۆاكسينالاۋعا اقشا قاراستىرىلماعانىن اتاپ ءوتتى.
– ۆاكسينانى اقىلى تۇردە سالۋ ماسەلەسى ءالى شەشىلگەن جوق، بۇعان دەيىن پرەزيدەنت ەكپە مەملەكەت ەسەبىنەن سالىناتىنىن ايتقان، سوندىقتان بۇل ماسەلەنى ءالى دە انىقتايمىز. ال ەكپە الۋعا كەلسەك، مەن دە حالىقپەن بىرگە وسى ۆاكسينانى الۋعا دايىنمىن.
ءقازىر ۆاكسينالاردى ينفەكسيالىق ستاسيونارلاردىڭ، جەدەل جاردەمنىڭ دارىگەرلەرى، ەمحانالاردىڭ ءفيلترلى جانە قىزىل ايماقتاردا جۇمىس ىستەيتىن دارىگەرلەرى مەن مەدبيكەلەرى، سونداي-اق سانيتارلىق-ەپيدەميولوگيالىق قىزمەتتىڭ قىزمەتكەرلەرى الىپ جاتىر، – دەدى ساعىنتايەۆ.
2 ناۋرىزدان باستاپ پوليسيا قىزمەتكەرلەرى، اسكەري قىزمەتكەرلەر، ورتا مەكتەپتەردىڭ، جوعارى وقۋ ورىندارىنىڭ مۇعالىمدەرى، مەديسينا قىزمەتكەرلەرى ۆاكسينالاۋدان وتەدى.
پىكىر قالدىرۋ