پارتيالارعا مەملەكەت ەسەبىنەن كوپ ءارى ەش پايداسىز اقشا جۇمسالىپ جاتقانىن قازاقستاندىقتارعا كورسەتۋ ءۇشىن ەرىنبەي، ارنايى ەسەپتەگىش-سايت جاساتقىزدىم. ەندى www.parasites.kz (پارازيتتەر) ارقىلى ءاربىر پارتياعا سەكۋند سايىن مەملەكەتتەن قانشا قاراجات ءبولىنىپ جاتقانىن كورۋگە بولادى، دەيدى Sanzhar Bokayev.
بار-جوعى 1،5 ايدىڭ ىشىندە پارتيالارعا 1 ميلليارد تەڭگەدەن استام قاراجات بولىنەدى. ونىڭ ىشىندە، نۇر وتانعا بيۋدجەتتەن ءبىر كۇندە 18 ميلليون تەڭگەگە جۋىق اقشا اۋدارىلادى. تۇسىنىكتى بولۋ ءۇشىن ايتا كەتەيىن، بۇل - كۇن سايىن ءبىر بولمەلى پاتەر ساتىپ الۋمەن تەڭ. ءسىز بەن ءبىز تولەيتىن سالىقتاردان اق جول اي سايىن 84 ميلليون نەمەسە كۇن سايىن 2،8 ميلليون تەڭگە الىپ وتىرادى. ءدال وسىنداي قاراجات حالىق پارتياسىنىڭ دا ەسەپشوتىنا تۇسەدى. قانداي بيزنەس وسىنداي “كەشپەن” ماقتانا الادى؟ ال ەڭ باستىسى، ناتيجە قايدا؟ مىنە، سوندىقتان مەن پارتيالاردان ايقىندىق پەن تيىمدىلىكتى تالاپ ەتۋگە قۇقىلىمىن! ءبىزدىڭ ءاربىرىمىز ولارعا تالاپشىل بولۋىمىز كەرەك. جىل سوڭىندا وسى ەسەپتەگىش شامامەن 9 ميلليارد تەڭگەنى كورسەتەدى. ءبىزدىڭ ەلىمىز مۇنداي قاراجاتتى بارلىق قازاقستاندىق اسكەردى تاماقتاندىرۋعا جۇمسايدى.
اسكەري قىزمەتكەرلەردى تاماقتاندىرۋ قاجەت! ولار ەلىمىزدى قورعايدى. ال مۇنشا اقشانى ساياسي پارتيالار قايدا جۇمسايدى؟ ساياسي پارتيالار ءبىز تولەگەن سالىقتاردىڭ ەسەبىنەن قامتاماسىز ەتىلمەۋى كەرەك دەپ ەسەپتەيمىن. ولار مەملەكەتىمىزدىڭ جانە قوعامىمىزدىڭ ءون بويىنداعى زيانكەستەر سەكىلدى. جۇمىس ىستەسىن، حالىقتىڭ اتىنان ءسوز سويلەۋگە ءوز قۇقىقتارىن دالەلدەسىن، مۇشەلىك جارنالاردىڭ ەسەبىنەن ءومىر ءسۇرسىن. بۇل مەنىڭ كەرى شەگىنبەيتىن، نىق سەنىمدى ۇستانىمىم!
P.S. نۇر وتان پارتياسىمەن بولىسەتىن ءبىر يدەيام بار. ەگەر نۇر وتان باسپاناسىز كوپ بالالى جانە از قامتىلعان ازاماتتاردىڭ پايداسىنا بيۋدجەتتىك قاراجاتتان باس تارتسا، جىلىنا 365 قازاقستاندىق وتباسىنى جانە پارلامەنتتەگى 5 جىل ىشىندە 1825 وتباسىنى باسپانامەن قامتۋعا بولادى. بۇدان كەيىن پارتيانىڭ رەيتينگى 80%-دان تومەن بولمايتىنىنا سەنەمىن. قالعان پارتيالارعا ەشقانداي ۇسىنىسىم جوق، ولاردى پارتيا دەپ ەسەپتەمەيمىن. قالاي سانالاتىنى سول جەرlە كورسەتىلگەن، دەيدى ول.
ايتا كەتسەك، سانجار بوقايەۆ بۇعان دەيىن الماتى اكىمدىگىنىڭ ىشكى ساياسات باسقارماسىندا، جاستار ساياساتى باسقارماسىندا باستىق بولعان.
"Nur Otan" پارتياسىنىڭ الماتى قالالىق فيليالىندا ءتوراعا ورىنباسارى بولعان. ءوزى الماتىنىڭ تۋماسى، "ساياساتتانۋ" سالاسىندا اقش-تا، ماسكەۋدە ءبىلىم العان.
پىكىر قالدىرۋ