وتاندىق بوكس ارداگەرى بوريس سەمەنوۆيچ سحۆيراشۆيلي قايتىس بولدى. بۇل تۋرالى قازاقستان بوكس فەدەراسياسىنىڭ باسپا ءسوز قىزمەتى حابارلادى.
– بوريس سەمەنوۆيچ 85 جاستا ەدى. ول اۋرۋىنان تولىق ايىعا المادى جانە وتباسىنداعى تراگەديا، ياعني ۇلىنىڭ ءولىمى سوققى بولدى. ارداگەردىڭ جۇرەگى 19 ناۋرىزدا توقتادى، – دەدى فەدەراسيا وكىلدەرى.
بوكس ارداگەرى ەلدەگى كوپتەگەن تۋرنيرلەردى ۇيىمداستىرعان.
"بوريس سەمەنوۆيچ سحۆيراشۆيلي – كسرو-نىڭ جانە قازاق كسر-نىڭ ەڭبەك سىڭىرگەن باپكەرى، بوكستان ءازىربايجان كسر-نىڭ بىرنەشە دۇركىن چەمپيونى، وليمپيادا ويىندارىنا قاتىسقان حالىقارالىق دارەجەدەگى تورەشى. ول بەدەلدى كىسى بولدى، سونداي-اق سپورتتا تاجىريبەسى زور بولدى. قازاقستان بوكس فەدەراسياسى اتقارۋشى كوميتەتىنىڭ مۇشەسى رەتىندە ول ەلدەگى كوپتەگەن تۋرنيرلەردى بار كۇش-جىگەرىن سالىپ ۇيىمداستىردى" دەلىنگەن فەدەراسيا حابارلاماسىندا.
قازاقستان بوكس فەدەراسياسىنىڭ باسشىلىعى مەن ۇجىمى بوريس ءسحۆيراشۆيليدىڭ تۋىستارى مەن جاقىندارىنا، دوستارى مەن ارىپتەستەرىنە كوڭىل ايتادى.
پىكىر قالدىرۋ