بۇگىن الماتىداعى شوقان ءۋاليحانوۆ اتىنداعى الاڭدا دەموكراتيالىق پارتيا باستاماشىل توبى مەن ونىڭ جاقتاستارىنىڭ قازاقستاندا جۇڭگو زاۋىتتارىنىڭ سالىنۋىنا قارسى ميتينگى ءوتتى. قامشى ءتىلشىسى وقيعا ورنىنان فوتورەپورتاج دايىندادى.

ميتينگ باستالماي تۇرىپ 10-عا جۋىق ادامدى اۆتوزاگقا سالىپ الىپ كەتتى. ولارعا كەدەرگى جاساماق بولعان بەلسەندىلەر جانبولات ماماي، ابزال دوستياروۆتى پوليسەيلەر يتەرىپ، كولىك ءجۇرىپ كەتتى.

ميتينگكە شىققاندار "جۇڭگو ەلشىسى ەلشى مە، جاۋشى ما؟"، "ۇكىمەت قازاقستاندى ساۋداعا سالماق"، "جۇڭگو ەكسپانسياسىنا جول جوق"، "جۇڭگو، جەرىمىزگە كوز سالما"، "جەرىڭدى قورعاماساڭ، "جەر" بولاسىڭ"، "جۇڭگو ەكسپانسياسى تاۋەلسىزدىكتەن ايىرۋ"، "جەر ساتىلمايدى، جالعا بەرىلمەيدى"، "ساڭىراۋ پرەزيدەنت كەرەك ەمەس"، "ۇلتاراقتاي بولسا دا، اتاقونىس جەر قىمبات"، "نازاربايەۆ – الاياق، ديكتاتور، زالىم، ۇرى، جەمقور، قانىشەر" دەگەن جازۋداعى پلاكاتتار ۇستاپ شىقتى.

ميتينگ كەزىندە ءبىر قاريانىڭ مۇرنى قاناپ، ەسىنەن تانىپ قالدى. بەلسەندىلەر قاريانىڭ قۇلاۋىن "دەنساۋلىعىنىڭ سىر بەرۋىمەن" ءتۇسىندىردى.