"جاساندىسەرىك سۋرەتتەرى سولتۇستىك كورەيانىڭ يادرولىق مەكەمەسىندەگى بەلسەندىلىكتىڭ ارتقانىن كورسەتەدى" دەپ حابارلادى NBC News باسىلىمى.

"بۇل كيم چەن ىننىڭ رەجيمى يادرولىق قارۋعا ارنالعان ءپلۋتونييدى قايتا وڭدەۋگە دايىندالىپ جاتقانىن نەمەسە ءقازىردىڭ وزىندە باستاپ ۇلگەرگەنىن بىلدىرەدى" دەيدى كەيبىر ساراپشىلار.

كوممەرسيالىق جاساندىسەرىكتەردىڭ فوتوسۋرەتتەرىندە سولتۇستىككورەيالىق يونگبەندەگى راديوحيميالىق زەرتحانا ورنالاسقان شاعىن عيماراتتان جانە وعان جاقىن ورنالاسقان جىلۋ ورتالىعىنان بۋ نەمەسە ءتۇتىن كوتەرىلىپ جاتقانى كورسەتىلگەن. زەرتحانا يادرولىق بومبالارعا ارنالعان پلۋتونيي الۋ ءۇشىن جۇمسالاتىن وتىن تاياقشالارىن قايتا وڭدەيدى.

Maxar Technologies جانە ستراتەگيالىق، حالىقارالىق زەرتتەۋلەر ورتالىعى شىعارعان فوتوسۋرەتتەر Beyond Parallel اناليتيكالىق ورتالىعىنىڭ سايتىنا ورنالاستىرىلعان.