بۇگىن پارلامەنت ءماجىلىسىنىڭ جالپى وتىرىسىندا ""قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى" زاڭ جوباسى ەكىنشى وقىلىمدا ماقۇلداندى.
زاڭ جوباسىنىڭ ماقساتى – شەتەلدىك جەر پايدالانۋشىلاردىڭ، قازاقستان رەسپۋبليكاسىنىڭ شەتەلدىك قاتىسۋى بار زاڭدى تۇلعالارىنىڭ، سونداي-اق قانداستاردىڭ اۋىل شارۋاشىلىعى ماقساتىنداعى جەر ۋچاسكەلەرىن جەكە مەنشىك قۇقىعىمەن جانە جەر پايدالانۋ قۇقىعىمەن يەلەنۋىنە تىيىم سالۋدى ەنگىزۋ.
دەپۋتاتتار زاڭ جوباسىنا تۇزەتۋلەر ەنگىزدى. وعان ساي، شەتەلدىك ازاماتتار مەن زاڭدى تۇلعالار، شەتەلدىك قاتىسۋ ۇلەسى بار بىرلەسكەن كاسىپورىندار زاڭدى تۇلعا قاتىسۋشىلارىنىڭ قۇرامىنا كىرگەن جاعدايدا، سونداي-اق زاڭدى تۇلعا قاتىسۋشىسىنىڭ قازاقستان رەسپۋبليكاسىنىڭ ازاماتتىعى توقتاتىلعان كەزدە اۋىل شارۋاشىلىعى جەرلەرىن يەلىكتەن شىعارۋ راسىمدەرى كوزدەلگەن.
زاڭ جوباسى ەكىنشى وقىلىمدا ماقۇلدانىپ، سەناتىنىڭ قاراۋىنا جولداندى.
پىكىر قالدىرۋ