اقش پرەزيدەنتى دجو بايدەن اق ءۇيدىڭ العاشقى ءسامميتىن وتكىزدى. ول قىتايعا قارسى تۇرۋ ءۇشىن جاپونيا پرەمەر-مينيسترى يوسيحيدە سۋگامەن بىرىككەن مايدان قۇرۋ ۇسىنىسىن جاريالادى.
بايدەن جاپونيامەن كەلىسسوزدەر جۇرگىزەتىنىن ايتتى. ەكس-پرەزيدەنت دونالد ترامپتىڭ كەزىندە بۇزىلعان وداقتاستىقتى جانداندىرۋ تۋرالى ۋادەسى بويىنشا ودان ءارى جۇمىس ىستەيتىنىن مالىمدەدى.
ۆاشينگتون مەن توكيونىڭ بەيجىڭگە قارسى وداقتاستىعى باسا ايتىلىپ، جۇڭگو ماسەلەسى كۇن تارتىبىنە شىقتى. ەكى ليدەر ءبىرقاتار گەوساياسي ماسەلەلەرگە، سونىڭ ىشىندە تايۆانعا توقتالىپ، سۋگا "تايۆان بۇعازىنىڭ بەيبىتشىلىگى مەن تۇراقتىلىعىنىڭ ماڭىزىن" قۋاتتاعان.
پىكىر قالدىرۋ