ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى جۇيەسىن ودان ءارى جاڭعىرتۋدىڭ 2030 جىلعا دەيىنگى تۇجىرىمداماسىنا تۇزەتۋلەر ازىرلەدى. بۇل تۋرالى ۆەدومستۆونىڭ باسپا ءسوز قىزمەتى حابارلادى.
ءىس جۇزىندەگى تۇجىرىمداما اياسىندا 2028 جىلدان باستاپ بازالىق زەينەتاقى تولەمىنەن ەڭ تومەنگى كەپىلدەندىرىلگەن زەينەتاقىعا كوشۋ كوزدەلگەن. سوندىقتان ەڭ تومەنگى كەپىلدى زەينەتاقىنى تاعايىنداۋ تەتىگى، بەلگىلى ءبىر تۇستارىن جەتىلدىرە وتىرىپ، بازالىق زەينەتاقىنى تاعايىنداۋدىڭ قولدانىستاعى ادىستەمەسىنە نەگىزدەلگەن.
قازىرگى ۋاقىتتا ەڭ تومەنگى كەپىلدى زەينەتاقىنى تاعايىنداۋ تەتىگى قاراستىرىلىپ جاتىر:
– ەڭ تومەنگى مولشەردى ەڭ تومەنگى كۇنكورىس دەڭگەيىنىڭ 54 پايىزىنان 70 پايىزىنا دەيىن ۇلعايتۋ ۇسىنىلادى؛
– قاتىسۋدىڭ ەڭ از ءوتىلىن 10 جىلدان 5 جىلعا دەيىن ازايتۋ؛
– زەينەتاقى مولشەرىن شەكتەۋدى الىپ تاستاۋ (قازىرگى ۋاقىتتا ەڭ جوعارى شەكتەۋ 33 جىل جانە ودان كوپ بولعان جاعدايدا 1 كۇنكورىس دەڭگەيىن قۇرايدى).
جاڭعىرتۋدىڭ تاعى ءبىر ماڭىزدى باعىتى 2023 جىلدان باستاپ جۇمىس بەرۋشىلەردىڭ 5 پايىز مىندەتتى زەينەتاقى جارناسىن ەنگىزۋ بولىپ ەسەپتەلەدى. جۇمىس بەرۋشىلەر ءوز قاراجاتى ەسەبىنەن جۇمىسشىلاردىڭ پايداسىنا جۇمىسكەردىڭ تابىسىنان مىندەتتى 5 پايىز زەينەتاقى جارناسىن اۋداراتىن بولادى.
پرەزيدەنت جۇمىس بەرۋشىلەردىڭ مىندەتتى زەينەتاقى جارنالارىنىڭ ماقساتىن شارتتى-جيناقتاۋشى قۇرامداۋىشتى قالىپتاستىرۋدان ازاماتتاردىڭ جەكە زەينەتاقى جيناقتارىن تولىقتىرۋعا وزگەرتۋ تاسىلدەرىن ماقۇلدادى. سونداي-اق سالىق كودەكسىنىڭ شەڭبەرىندە جۇمىس بەرۋشىلەرگە جۇكتەمەنى تومەندەتۋ ءۇشىن ەنگىزىلەتىن جۇمىس بەرۋشىلەردىڭ مىندەتتى زەينەتاقى جارناسىن شەگەرىمگە جاتقىزۋ بولىگىندە جەڭىلدىكتەر بەرىلگەن.
مۇنداي ءتاسىل حالىقارالىق زەينەتاقىمەن قامسىزداندىرۋ ستاندارتتارىنا سايكەس كەلەتىن زەينەتكەرلىك جاسقا جەتكەن كەزدە (زەينەتكە شىققاننان كەيىن تابىستى الماستىرۋ كوەففيسيەنتى) سالىمشىلاردىڭ زەينەتاقى جيناقتارىنىڭ بارابار دەڭگەيىن ساقتاۋعا، سونداي-اق جاقىن كەلەشەكتە بارلىق سالىمشىلاردىڭ زەينەتاقى جيناقتارىن ماقساتتى پايدالانۋ (تۇرعىن ءۇي ساتىپ الۋعا، ەمدەلۋگە اقى تولەۋگە) قۇقىعىن ىسكە اسىرۋعا مۇمكىندىك بەرەدى.
پىكىر قالدىرۋ