"بالي جاعالاۋىندا سۋعا باتقان يندونەزيا اسكەري-تەڭىز سۇڭگۋىر كەمەسى تەڭىز تۇبىندە ءۇش بولىككە ءبولىنىپ قالعانى انىقتالدى" دەپ حابارلادى رەسمي وكىلدەر.
كەمەنىڭ 53 ەكيپاجىنىڭ بارلىعى قازا تاپقانى راستالدى.
جەكسەنبى كۇنى تاڭەرتەڭ اسكەري-تەڭىز كۇشتەرىنىڭ قىزمەتكەرلەرى 800 مەتردەن استام تەرەڭدىكتەن سيگنال قابىلداعانىن مالىمدەدى.
كەمە جاتتىعۋ كەزىندە جوعالىپ كەتكەن. ونىڭ سۋعا باتۋىنىڭ سەبەبى ءالى انىقتالعان جوق.
يندونەزيا اسكەريلەرى جوعالعان جەردەن شىققان قوقىستار، توسەنىشتەر تابىلعانىن ايتتى.
اسكەري-تەڭىز كۇشتەرى شتابىنىڭ باستىعى يۋدو مارگونونىڭ ايتۋىنشا، ەكيپاجدىڭ قاۋىپسىزدىك كوستيۋمدەرى جانە تاعى دا كوپتەگەن زاتتار تابىلعان.
"سۇڭگۋىر كەمە ءۇش بولىككە بولىنگەن، كەمەنىڭ كورپۋسى، كەمەنىڭ ارتقى بولىگى جانە نەگىزگى بولىكتەرى بىر-بىرىنەن ءبولىنىپ، نەگىزگى بولىگى جارىلعان" دەدى ول جۋرناليستەرگە.
پىكىر قالدىرۋ