ادامزات 7 مىڭ جىلدىق وركەنيەتتى تاريحتى وتكەرىپ، بۇگىنگىدەي كۇنگە جەتكەن بولسا دا، وكىنىشكە قاراي كەيبىر ادامدار ءالى دە جۇرەك سىزداتارلىق ىستەر جاسايدى.

وزدەرى ويلاعان كەيبىر سەبەپتەرگە بايلانىستى كەيبىر ادامدار وزدەرىن باسقالاردان جوعارى سانايدى. كەيبىر ادامدار تابىستى بولعانى ءۇشىن نەمەسە جاقسىراق قارجىلىق جاعدايى ءۇشىن وزدەرىنە كوبىرەك سەنىم مەن ابىروي الىپ، كوپتەگەن ىستە ەرەكشە قۇقىقتىمىن دەپ ويلايدى. وزدەرى قالاعان بارلىق نارسەنى ىستەگىسى كەلەدى.

تومەندە وسى تاقىرىپقا قاتىستى ومىردە بولعان وقيعانى وقي وتىرىڭىز.

وقيعا الەۋمەتتىك جەلىدە مىڭداعان ادامنىڭ نازارىن اۋدارعان. وقيعادا ادىلەت جاعىندا بولعان جاس داياشى قىز جالپى حالىقتىڭ القاۋىن الىپ، ءبىر كۇندە جۇلدىز بولعان-دى.

دجەنيكا دەگەن جاس قىز سيليكوندى القاپتا ورنالاسقان قىمبات جانە ەليتالىق رەستوراندا داياشى بوپ جۇمىس ىستەيتىن. ول جۇمىس ىستەگەن رەستورانعا كوپتەگەن قارجىلىق تابىسقا جەتكەن بيزنەسمەندەر كەلىپ، كول-كوسىر وتىرىپ كەتەتىن. ولار دا ادەتتەگى ادامدار سياقتى كۇندەلىكتى قۋانىشى مەن جۇبانىشى، پروبلەمالارى بار جاندار ەدى. تەك ءبىر عانا ايىرماشىلىعى، ولاردىڭ كارتوچكاسىندا ەسەپسىز اقشا بار. دەگەنمەن، قانشا بايلىعىڭ بولسا دا كىشىپەيىلدىكتى ساقتاۋ وتە ماڭىزدى، ارينە.

ءبىر رەستوراندا ءبىر وقيعا بولىپ، داياشىنى الەمگە ايگىلى جان ەتتى.

ول ادەتتەگى كەش ەدى. ەشكىم دە پروبلەما تۋىندايدى دەپ ويلاماعان-دى. رەستوراندا اسەم مۋزىكا قويىلىپ، ادامدار جايبارقات دەمالىپ وتىرعان. دجەنيكا كليەنتتەرگە جارقىن جۇزبەن كۇلىمسىرەپ، قىزمەت كورسەتىپ ءجۇردى.

رەستوراندا ءبىر قالتالى كليەنت ءوز تاپسىرىسىن كۇتىپ وتىردى. ول تۇراقتى كليەنت ەدى جانە ۇنەمى ايتارلىقتاي ارتىق اقشا تاستاپ كەتەتىن.

ول ادامنان بىرنەشە مەتر قاشىقتا ءبىر ازيالىق وتباسى وتىردى. ولار مۇنداي قىمبات رەستورانعا كوپ بارا المايتىن-دى. بۇل جولى وتباسىنىڭ ءبىر مۇشەسىنىڭ تۋعان كۇنى بولىپ، وسى ەليتالىق رەستوراندا اتاپ ءوتۋدى كوپ ۋاقىتتان بەرى جوسپارلاپ كەلگەن.

ءبىر قىزىعى، ازيالىق وتباسى رەستورانعا كىرگەننەن باستاپ، قالتالى كليەنت وعاش قىلىق كورسەتە باستايدى. ازيالىق وتباسىنىڭ ىستەرىن سىناي قاراپ وتىرادى. ازيالىق وتباسى اۋقاتتى بولماعان سوڭ، تاپسىرىس بەرگەندە باعالارعا قاراپ، ويلانىپ، تاڭداۋ جاساپ جاتتى. جىگىت ءتىپتى دە قادالىپ باقىلاپ وتىردى.

سوسىن، ميلليونەر كليەنت پروۆاكاسيالىق ىستەر جاساي باستادى. ولاردىڭ قىمبات رەستوراندا تاماقتانعانىنا قارقىلداپ كۇلدى. وتىرعانداردىڭ نازارىن ادەيى ءوزى قاراعان جاققا اۋداردى. ازيالىق وتباسىداعى قارت ادام دا باي جىگىتتىڭ مازاقتاپ وتىرعانىن ءتۇسىندى. جىگىت ولارعا قاراپ، دورەكى قيمىلدار ىستەدى جانە رەستوران ولار سياقتى جارلىلار ءۇشىن ەمەس، قارجىلىق تابىستى ادامدار ءۇشىن لايىقتى ەكەنىن ەسكەرتىپ، اقىل ايتتى. مۇمكىن، جىگىتكە الكوگول اسەر ەتىپ تۇرعان شىعار نەمەسە ومىرىندە ءبىر پروبلەمالار بولعان شىعار. ءبىراق ول سەبەپتەردىڭ ەشقايسىسى وعان سىلتاۋ بولا المايتىن ەدى.

ناتيجەسىندە تۋعان كۇن وتىرىسىنىڭ شىرقى بۇزىلعىداي بولدى. وتباسى مۇشەلەرى ءار جاقتا ۇندەمەي ىڭعايسىزدىقتا وتىردى. سوسىن كەتپەككە دايىندالدى. باستارىن يزەپ، ەسەپ جاباتىن ىڭعاي تانىتتى.

سول كەزدە ويلاماعان جاعداي بولدى. جاڭاعى دجەنيكا دەگەن جاس داياشى قىز كەلدى دە، وتباسى مۇشەلەرىنىڭ يىعىنان ۇستاپ، كەشىرىم سۇرادى. جانە كەتپەۋىن ءوتىندى دە، جاعدايدى ءوزى رەتتەيتىنىن ايتتى.

ارتىنشا دجەنيكا دورەكى جىگىتكە باردى. ەشقانداي قايمىقپاستان ميلليونەر جىگىتكە بەتپە-بەت كەلدى دە، وتباسىدان كەشىرىم سۇراۋى كەرەكتىگىن ايتتى. بولماسا، رەستوراننان كەتۋىن تالاپ ەتتى. وتباسىنىڭ جاعىنا شىعىپ، جىگىتكە "سەنى بۇل رەستوراندا ەندى ەشكىم كۇتپەيدى" دەپ توتەسىنەن ايتتى.

قارجىلىق تابىستى جىگىت جاس قىزعا ايقايلاي باستادى. ءوزىنىڭ بۇل رەستوراننىڭ تۇراقتى كليەنتى ەكەنىن، رەستورانعا مىڭداپ تابىس كىرۋىنە سەبەپ بولعانىن ايتىپ، جاس قىزدى دا، ازيالىق وتباسىنى دا بوقتاي باستادى. جالپى وقيعانى رەستوراندا وتىرعان ءبىر كليەنت ۆيدەوعا ءتۇسىرىپ تۇرعان ەدى. سوسىن وقيعا ۆيدەوسى ينتەرنەتكە جۇكتەلدى.

ۆيدەو بىرنەشە كۇن ىشىندە مىڭداعان ادامعا تاراپ كەتتى. كەيىنىرەك، وقيعاعا قاتىسقانداردىڭ كىم ەكەنى ەكەنى انىق بولدى.

ازيالىق وتباسى قاراپايىم كىرىستەگى وتباسى ەكەن دە، ولار قىمبات رەستوراندا تۋعان كۇندى اتاپ ءوتۋ ءۇشىن كوپ ۋاقىتتان بەرى دايىندالعان. ال، داۋلەتتى جىگىت "Solid8" دەگەن باعدارلامالىق كومپانيانى قۇرۋشى جانە باس اتقارۋشى ديرەكتورى ەكەن.

وتە كوپ ادامداردىڭ اشۋلى جازبالارى مەن نارازىلىقتارىنان كەيىن قالتالى جىگىت اككۋنتىن وشىرۋگە ءماجبۇر بولعان. وعان قوسا، وتباسىدان جانە ۆيدەونى كورگەن بارلىق ادامداردان كەشىرىم سۇراعان.

ال ازيالىق وتباسىنىڭ جاعىنا شىعىپ، قورعاعان دجەنيكا قالاي بولدى دەسەڭىز، ينتەرنەتتە مىڭداعان ادام جاس داياشى قىزدى قولداعان. ادىلەتتى جاقتاپ، رەستوراننان ميلليونەردى قۋىپ شىققان جۇرەكتى قىز ءۇشىن حالىق اقشا جيناعان. قورعا بىرنەشە كۇندە 60 مىڭ دوللار جينالعان. "قور ءالى دە كوبەيىپ جاتىر" دەيدى الەۋمەتتىك جەلىدەگى قولداۋشىلار.

"وزىڭە ۇقساماعانى ءۇشىن ەشكىمدى ديسكريميناسياعا ۇشىراتۋعا قاقىڭ جوق" دەيدى دجەنيكا.

ءيا، جاس قىز رەستوراندا داياشىلارعا كوپ ارتىق اقشا تاستاپ كەتەتىن ميلليونەر ءارى تۇراقتى كليەنتتى قۋىپ شىقتى. ول اقشانى ەمەس، ادىلەتتى تاڭدادى.

ءسىز نە ىستەيتىن ەدىڭىز؟