"اقش ەڭ ءىرى بانك جۇيەسى JPMorgan كورپوراسياسى العاش رەت ءوزىنىڭ داۋلەتتى كليەنتتەرىنە بەلسەندى باسقارىلاتىن بيتوين قورىن ۇسىنباق" دەپ حابارلادى CoinDesk.
حابارلاماعا سايكەس، قور 2021 جىلدىڭ جازىنان باستاپ جينالۋى مۇمكىن.
بەلسەندى باسقارىلاتىن قوردىڭ اقشا مەنەدجەرلەرى قوردىڭ ينۆەستيسيالارى قالاي جۇزەگە اسىرىلاتىنى تۋرالى ناقتى شەشىمدەردى قاداعالايتىنىن ءبىلدىردى.
اكتيۆتەرى بويىنشا اقش-تىڭ ەڭ ءىرى ينۆەستيسيالىق بانكى ەسەپتەلەتىن JPMorgan ءتورت جىل بۇرىن كريپتوۆاليۋتالاردى "الاياقتىق" دەپ اتاعاننان كەيىن بىرتىندەپ ءوز ۇستانىمىن وزگەرتتى.
باس ديرەكتور دجەيمي ديمون 2018 جىلعى سۇحباتىندا سيفرلىق اكتيۆكە سەنبەيتىنىن جانە ءداستۇرلى ۆاليۋتامەن باسەكەلەس بولادى دەپ ويلاماعانىن ايتتى. وسى ايدا جاريالانعان اكسيونەرلەردىڭ جىل سايىنعى حاتىندا كريپتوۆاليۋتانى بانكتەرگە "وراسان زور باسەكەلەس" قاتەرلەردىڭ ءبىرى رەتىندە سانادى.
بانك ءقازىر بيتكوين تۋرالى زەرتتەۋلەردى ءجيى جاريالايدى جانە وتكەن اپتادا "سوڭعى ەڭ كورنەكتى قۇلاۋ" وتكەن بولۋى مۇمكىن دەپ مالىمدەدى. ديموننىڭ پىكىرىنشە، بيتكوين قۋاتتى جانە تابان تىرەي الاتىن ۆاليۋتا بولۋى مۇمكىن. "نەگىزگى بيرجالاردا باسقا اكتيۆتەرگە قاراعاندا بيتكوين از تومەندەپ، كوبىرەك قالپىنا كەلىپ، كوتەرىلەدى" دەيدى JPMorgan ستراتەگتەرى.
بيتكوين ەكى ايداعى ەڭ تومەنگى دەڭگەيگە تۇسكەننەن كەيىن دۇيسەنبى كۇنى 10% -عا كوتەرىلىپ، سول كۇنى 53000 دوللار مولشەرىندە، سەيسەنبى (بۇگىن) 55000 دوللار توڭىرەگىندە ساۋدالانىپ جاتىر.
پىكىر قالدىرۋ