ق ر تاۋەلسىزدىگىنىڭ 30 جىلدىعىنا وراي ءال-فارابي اتىندىعى قازاق ۇلتتىق ۋنيۆەرسيتەتىندە «ەلباسى ساياباعى» اشىلدى. ق ر تۇڭعىش پرەزيدەنتى ەلباسى نۇرسۇلتان ءابىش ۇلى نازاربايەۆتىڭ قۇرمەتىنە اشىلعان بۇل ساياباقتا 300گە جۋىق الما، ورىك، شيە ت.ب. جەمىس اعاشتارىنىڭ تۇرلەرىن كەزدەستىرۋگە بولادى. 

ءال-فارابي اتىنداعى قازاق ۇلتتىق ۋنيۆەرسيتەتىنە  كەلگەن ساپارىندا ەلباسى «ءال-فارابي اتىنداعى قازۇۋ – جاڭا قازاقستاننىڭ ءبىلىمى مەن عىلىمىنىڭ الدىڭعى شەبى» دەپ اتاپ ءوتىپ، ۋنيۆەرسيتەتتەرگە ۇلكەن ۇمىتپەن قارايتىنىن بىلدىرگەن ەدى. سونىمەن قاتار ەلباسى رەسپۋبليكامىزدىڭ باسقارۋ جۇيەسىندە وتىرعان بىلىكتى ماماندار مەن تالانتتى عالىمداردىڭ، دارىندى پەداگوگتاردىڭ ۇلكەن توبى وسى كيەلى شاڭىراقتان شىڭدالىپ شىققانىن باسا ايتقان بولاتىن. سول سەبەپتەن قازاق ءبىلىمى مەن عىلىمىنىڭ قارا شاڭىراعى تاۋەلسىزدىكتىڭ 30 جىلدىعى اياسىندا ەلباسىنا ايرىقشا تارتۋ جاساۋ تۋرالى شەشىم قابىلداپ، ەلباسى ساياباعىنا قىزۋ جۇمىسقا كىرىستى.وسى ەڭبەكتىڭ ناتيجەسىندە تاۋەلسىزدىگىمىزدىڭ 30 جىلدىعىنا وراي ءال-فارابي اتىندىعى قازاق ۇلتتىق ۋنيۆەرسيتەتىندە «ەلباسى ساياباعى» اشىلدى. ەلىمىزدە بولىپ جاتقان كارانتينگە بايلانىستى اعاش وتىرعىزۋ جۇمىستارىنا كارانتيندىك تالاپتاردى ساقتاي وتىرىپ، ارنايى قىزمەتكەرلەر جۇمىلدىرىلدى.

الداعى ۋاقىتتا قالاشىق ماڭىندا ورنالاسقان عيماراتتار مەن جاتاقحانالارعا جەمىس اعاشتارىن وتىرعىزۋ جانە قالاشىقتى كورىكتەندىرۋ كوزدەلىپ وتىر.