ءبىلىم جانە عىلىم ءمينيسترى اسحات ايماعامبەتوۆ تاتارستاننىڭ قازان قالاسىندا بولعان جاعدايعا بايلانىستى پىكىر ءبىلدىردى. بۇل تۋرالى ول ءوزىنىڭ Facebook پاراقشاسىندا جاريالادى.
مينيستر قازان قالاسىنىڭ مەكتەبىندە بولعان تەررورلىق اكت كەزىندە قازا تاپقانداردىڭ وتباسىلارىنا كوڭىل ايتىپ، قايعىلى جاعداي ەشكىمدى بەي-جاي قالدىرماعانىن اتاپ ءوتتى.
– ءبىز وسى قايعىلى وقيعالاردان ساباق الۋىمىز كەرەك. كەشە وسى ماسەلەلەر بويىنشا كەڭەس وتكىزدىم. اعىمداعى جاعدايعا تالداۋ جۇرگىزۋدى جانە جاقىن ارادا بالالاردىڭ قاۋىپسىزدىگىن قامتاماسىز ەتۋ بويىنشا بارلىق دەڭگەيلەردە قوسىمشا كەشەندى شارالار قابىلداۋدى تاپسىردىم، – دەدى اسحات ايماعامبەتوۆ
ۆەدومستۆو باسشىسى پسيحولوگيالىق قىزمەتتەردىڭ جۇمىسىنا جانە قولايلى جاعدايلار جاساۋعا نازار اۋدارۋ كەرەكتىگىن ايتتى.
– بۇل تەك باقىلاۋ كامەرالارى، وتكىزۋ رەجيمى، كۇزەت دابىلى، دابىل تۇيمەلەرى عانا ەمەس، سونىمەن قاتار توتەنشە جاعدايلارداعى قىزمەتكەرلەر مەن وقۋشىلاردىڭ مىنەز-قۇلقى ماسەلەرى عانا ەمەس. كوپ نارسە ناقتى جانە دامىعان ارەكەتتەرگە بايلانىستى. بۇل ۇلكەن جانە بىرلەسكەن جۇمىس. بالالار – ءبىز ءۇشىن ەڭ قىمبات جانە ولاردىڭ ءقاۋىپسىز بولۋىنا بار جاعدايدى جاساۋىمىز قاجەت، – دەدى ول.
