اتىراۋ وبلىسىنىڭ باس سانيتار دارىگەرى م.تاناۋوۆ كارانتين شارالارى تۋرالى №10 قاۋلىسىنا وزگەرىستەر مەن تولىقتىرۋلار ەنگىزدى.
قاۋلى 2021 جىلدىڭ 24 مامىرى ساعات 00:00-دەن باستاپ زاڭدى كۇشىنە ەنەدى.
قاۋلىعا ساي:
- ازاماتتاردا رەسپيراتورلىق ينفەكسيانىڭ العاشقى بەلگىلەرى پايدا بولعان كەزدە (قۇرعاق جوتەل، قىزبا، تىنىس الۋدىڭ قيىنداۋى، ەنتىگۋ جانە ت.ب.) مەديسينالىق ۇيىمدارعا بارماي، جەدەل مەديسينالىق كومەككە جۇگىنۋگە ءتيىس دەلىنگەن؛
- 65 جاستان اسقان ادامدارعا اسا قاجەتتىلىك بولماسا تۇرعىلىقتى جەرىنەن شىقپاۋعا كەڭەس بەرىلەدى؛
- ءبىر وتباسى مۇشەلەرىن قوسپاعاندا، حالىق دەمالاتىن الاڭداردا، سكۆەرلەردە، جاعالاۋلاردا، پاركتەردە جانە وزگە دە دەمالاتىن ورىنداردا 3 ادامنان ارتىق جينالۋعا تىيىم سالىنادى؛
- مەرەكەلىك ءىس-شارالاردى، ونىڭ ىشىندە ۇيدە جانە جاپپاي ادامدار جينالاتىن وزگە دە ءىس-شارالاردى وتكىزۋگە تىيىم سالىنادى؛
- "Ashyq" جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتىن قوسپاعاندا، تۇنگى كلۋبتاردىڭ، كاراوكە، كومپيۋتەرلىك جانە ويىن كلۋبتارىنىڭ، كاليان، بيليارد، بوۋلينگتەردىڭ، بۋكمەكەرلىك كەڭسەلەردىڭ جۇمىسىنا تىيىم سالىنادى؛
- كينوتەاترلاردىڭ، تەاترلاردىڭ، كونسەرت زالدارىنىڭ، فيلارمونيالاردىڭ جۇمىسى توقتاتىلادى؛
- جينالىستار، كەڭەستەر، سەمينارلار، كونفەرەنسيالار تەك سەلەكتورلىق رەجيمدە جانە بەينەكونفەرەنسبايلانىس ارقىلى وتكىزىلۋى ءتيىس، وففلاين رەجيمدە وتكىزىلمەيدى؛
- بانك، "قازپوشتا"، حالىققا قىزمەت كورسەتۋ ورتالىقتارىنىڭ جۇمىسى 9:00-دەن 18:00-گە دەيىن ۇيىمداستىرىلادى. كارانتين شارالارىن ساقتاۋ ءۇشىن ازاماتتار حقكو-عا جانە مامانداندىرىلعان حقكو-عا الدىن الا Egov.kz، "EgovKZBot 2.0" تەلەگرامم-بوتپەن برونداۋ ارقىلى بارا الادى؛
- كونتينگەنتى 300 وقۋشىعا دەيىن قالالىق جانە اۋىلدىق مەكتەپتەردە سىنىپتارداعى بالالار سانىن 25 ادامنان اسىرماي ءداستۇرلى فورماتتا وقىتۋعا رۇقسات بەرىلەدى؛
- جالپى ءبىلىم بەرەتىن مەكتەپتەردە 1-5 سىنىپ جانە حالىقارالىق مەكتەپتەردە 1-7 سىنىپتى قوسا العاندا بالالار سانىن 25 ادامنان اسىرماي ارالاس فورماتتا وقىتۋعا رۇقسات ەتىلەدى؛
- ءبىتىرۋشى تۇلەكتەر 9، 11 (12) سىنىپتار ءۇشىن اپتانىڭ 6 كۇنى ىشىندە: پاندەردىڭ 70%-ىن شتاتتىق رەجيمدە، 30%-ىن قاشىقتان ارالاس فورماتتا وقىتۋعا رۇقسات ەتىلەدى؛ (سىنىپتا وقۋشىلار سانىن 15 ادامنان اسىرماي)؛
- ساباقتان تىس ۋاقىتتا وقۋشىلاردى جەكە وقىتۋ، بالالار تۇزەتۋ (كوررەكسيا) كابينەتتەرى، بالالارعا جانە ەرەسەكتەرگە ءبىلىم بەرۋ ورتالىقتارى، بالالاردى دامىتۋ ورتالىقتارى، ۇيىرمەلەر، بالالارعا ارنالعان كۋرستار (25 ادامنان اسپايتىن توپتار) الدىن الا جازىلۋ بويىنشا ساعات 09.00-دەن 18.00-گە دەيىن جۇمىس ىستەۋىنە رۇقسات بەرىلەدى؛
- مەديسينا ورتالىقتارى، كابينەتتەر، ستوماتولوگيالارعا كليەنتتەر الدىن الا جازىلۋ بويىنشا بارا الادى؛
- ازىق-تۇلىك جانە ازىق-تۇلىك ەمەس اشىق بازارلاردىڭ جۇمىس كەستەسى ساعات 09.00-دەن 19.00-گە دەيىن جۇمىس ىستەيدى؛
- سۇلۋلىق سالوندارى، شاشتارازدار، كوسمەتولوگيالىق قىزمەت كورسەتەتىن وبەكتىلەر الدىن الا جازىلۋ بويىنشا قابىلدانادى.
