اقش پرەزيدەنتى دجو بايدەن ازياتتارعا قارسى شابۋىلداردىڭ كوبەيۋىن شەشۋگە باعىتتالعان زاڭعا قول قويدى.
پاندەميا باستالعان ءبىر جىلدان استام ۋاقىتتان بەرى اقش-تا ازيالىق امەريكالىقتارعا جاسالعان زورلىق-زومبىلىق شابۋىلدارى كۇرت كوبەيگەن.
BBC اقپاراتىنا سايكەس، Covid-19 باستالعان 2020 جىلدان بەرى ازيالىقتارعا قىسىم ارتقان. باسىلىم وعان مىسالدار رەتىندە، ەگدە جاستاعى ازيالىق يمميگرانتتى جەرگە يتەرىپ جىققاننان كەيىن قايتىس بولعانىن، تەگى فيليپپين امەريكالىقتىڭ بەتىن قوراپ كەسكىشپەن كەسىپ تاستاعان وقيعانى، قىتايلىق ايەلدى ۇرىپ، سودان كەيىن ورتەپ جىبەرگەن جانتۇرشىگەرلىك قىلمىستى جانە ازيالىقتار تۇراتىن اۋماقتا بولعان شابۋىلدان سەگىز ادام قازا تاپقان وقيعانى اتادى.
سوڭعى ايلاردا امەريكادا ازيالىقتاردىڭ بەتىنە تۇكىرۋ جانە اۋىزشا قىسىم كورسەتۋدەن باستاپ فيزيكالىق شابۋىل جاعدايلارىنا دەيىن مىڭداعان وقيعا تىركەلگەن.
"ازيالىقتاردى جەككورۋشىلىك وقيعالارى كەيبىر قالاشىقتاردا شامامەن 1200% وسكەن" دەپ حابارلايدى جەك كورۋشىلىك پەن ەكسترەميزمدى زەرتتەۋ ورتالىعى.
"لوس-اندجەلەس وكرۋگىندە ازيالىق امەريكالىقتارعا قارسى جەككورۋشىلىك قىلمىستارى 115% -عا ءوستى" دەپ حابارلايدى CBS News.
بايدەن ءوزىنىڭ پرەزيدەنتتىك قىزمەتىندەگى ءبىرىنشى اپتادا فەدەرالدى ۇكىمەتتىڭ قۇرامىندا وشپەندىلىك سوزدەردىڭ قولدانىلۋىنا تىيىم سالاتىن اتقارۋشىلىق ءىس-شاراعا قول قويعان.
20 مامىردا اقش پرەزيدەنتى ازياىقتارعا قارسى شابۋىلداردىڭ وسۋىنە توسقاۋىل قويۋ ءۇشىن "Covid-19-عا قاتىستى وشپەندىلىك قىلمىسى" زاڭىنا قول قويدى.
پىكىر قالدىرۋ