«Nur Otan» ازاماتتاردىڭ وتىنىشتەرىنە قۇلاق اسا ما؟ حالىق الدىنداعى ۋادەلەرىنىڭ ورىندالۋىن قالاي باقىلايدى؟ بۇل سۇراقتاردىڭ جاۋابىن پارتيانىڭ باسپا ءسوز قىزمەتى كەزەكتى ءساتتى كەيستى مىسالعا الا وتىرىپ ايتىپ بەردى.
2019 جىلدىڭ كۇزىندە «Nur Otan» پارتياسى nءوراعاسىنىڭ ءبىرىنشى ورىنباسارى باۋىرجان بايبەك شىمكەنتكە جۇمىس ساپارى بارىسىندا «ازات» شاعىن اۋدانىنىڭ تۇرعىندارىمەن كەزدەسكەن-دى. بۇعان دەيىن ب ا ق جانە الەۋمەتتىك جەلىلەر ارقىلى تۇرعىندار شاعىن اۋدان 2015 جىلى قالاعا قوسىلعانىنا قاراماستان، ءتورت جىل ىشىندە ورتالىق ەلەكتر، گاز جانە سۋمەن جابدىقتاۋ جەلىلەرىن جۇرگىزۋ ماسەلەسى شەشىلمەگەنىنە شاعىمدانعان بولاتىن.
– ەلباسى، پارتيا nءوراعاسى مەملەكەتتىڭ حالىققا جاقىن بولىپ، ازاماتتاردىڭ مۇڭ-مۇقتاجىن تىڭداپ، اشىق جۇمىس ىستەۋدى تاپسىردى. مەملەكەت باسشىسى دا «حالىق ۇنىنە قۇلاق اساتىن مەملەكەت» تۇجىرىمداماسىن ۇسىنىپ، ازاماتتاردىڭ سىن-ەسكەرتپەلەرى مەن سىندارلى ۇسىنىستارىنا جەدەل دەن قويۋىمىز كەرەكتىگىن ايتتى. سوندىقتان وسى ماسەلەنى الەۋمەتتىك جەلىدەن ەستىپ، ءبىلىپ، ارنايى الدارىڭىزعا كەلدىم. ءقازىر قالا باسشىلىعى، پارتيانىڭ قالالىق فيليالى بۇل تۇيتكىلدى وڭتايلى شەشۋ ءۇشىن بارلىق شارانى قولعا الدى. ءبىز بۇل ءىستى سوڭىنا دەيىن باقىلاۋدا ۇستايمىز. ارينە، بۇل جەردە شەشۋدى تالاپ ەتەتىن ءبىرقاتار وزەكتى ماسەلەنىڭ بار ەكەنىن بىلەمىز. ءبارىن بىردەي شەشۋ مۇمكىن ەمەس. سوندىقتان مەملەكەت تۇرعىنداردىڭ تالاپ-تىلەكتەرىن ەسكەرە وتىرىپ، ەڭ الدىمەن، گاز، جارىق جانە اۋىز سۋ ماسەلەسىن شەشۋدى قولعا الدى. كەيىن جول جانە باسقا دا ماسەلەلەردى شەشەمىز، – دەگەن باۋىرجان بايبەك بۇل ماسەلەنىڭ پارتيانىڭ باقىلاۋىندا بولاتىنىن ايتقان ەدى.
پارتيانىڭ باسپا ءسوز قىزمەتى حابارلاعانداي، كۇنى كەشە «Nur Otan» قالالىق فيليالىنىڭ ءتوراعاسى، شىمكەنت قالاسىنىڭ اكىمى مۇرات ايتەنوۆ وسى شاعىن اۋدان تۇرعىندارىمەن كەزدەسكەن.
بۇگىنگى تاڭدا شاعىن اۋداندا بارلىق ەلەكتر جەلىلەرى جۇرگىزىلدى. ۇزىندىعى 8،7 كم ورتالىق سۋ قۇبىرى جەلىلەرىنىڭ جانە 10 كم گاز قۇبىرىنىڭ قۇرىلىسى اياقتالدى. ىشكى جولداردىڭ اسفالت جابىنىن توسەۋ بويىنشا جۇمىستار 50%-عا ورىندالدى. سونىمەن قاتار، 87 مەنشىك يەسى جەر ۋچاسكەلەرىنە مەماكتىلەر الدى. تاعى 22 ۋچاسكە بويىنشا قۇجاتتار دايىندالۋ ۇستىندە.
ماۋسىم ايىنىڭ سوڭىنا دەيىن ابونەنتتەردى ورتالىق سۋ قۇبىرىنا قوسۋدى جانە اۋىز سۋ بەرۋدى قامتاماسىز ەتۋ، 1 تامىزعا دەيىن اۆتوماتتى گاز تاراتۋ ستانسياسىنىڭ قۇرىلىسىن اياقتاپ، گاز بەرۋ، ال 1 قىركۇيەككە دەيىن ىشكى جولداردىڭ اسفالت جابىنىنىڭ ەكىنشى قاباتىن سالۋ جوسپارلانىپ وتىر.
اتالعان جۇمىستاردىڭ بارلىعى «Nur Otan» پارتياسى قالالىق فيليالىنىڭ ەرەكشە باقىلاۋىنا الىنعان.
پىكىر قالدىرۋ