60 ملن تەڭگە پارا الماق بولدى دەپ ايىپتالىپ، 2019 جىلعى ناۋرىزدان بەرى قاماۋدا بولعان اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ بۇرىنعى ءتوراعاسى يسلام ابىشيەۆ مەرزىمىنەن بۇرىن شارتتى تۇردە بوساتىلادى. بۇل تۋرالى ءماجىلىس دەپۋتاتى، اقىن قازىبەك يسا facebook پاراقشاسىندا ءمالىم ەتتى.
"ءقازىر عانا يسلام ءابىشتىڭ ادۆوكاتى ماكىش ەسقارايەۆ حابارلاسىپ، ءسۇيىنشى سۇرادى. تريلليون ۇنەمدەپ ءجۇرىپ، تۇرمەگە تۇسكەن، جازىقسىز جالانىڭ قۇربانى بولعان يسلام ءابىش بۇگىن سوتتىڭ ءۇشىنشى وتىرىسىندا مەرزىمىنەن بۇرىن شارتتى تۇردە بوساتىلدى! ەل ءۇشىن ەڭبەك ەتكەن ەردىڭ بوستاندىققا شىعۋى ونى قورعاپ، اراشا سۇراعان، "قازاق ءۇنى" ۇلتتىق پورتالىندا پرەزيدەنتكە جازىلعان اشىق حاتقا قول قويعان 200 مىڭداي ادامنىڭ، حالىقتىڭ قۋانىشى! حالىق ۇنىنە قۇلاق اساتىن، ەستيتىن ۇكىمەت دەگەننىڭ باسى شىعار بۇل!" دەپ جازدى قازىبەك يسا.
پىكىر قالدىرۋ