ەدىل جاڭبىرشين باستاعان ءبىر توپ نۇروتاندىق دەپۋتاتتار وزەندەردىڭ تارتىلۋى، جاۋىن-شاشىننىڭ نورمادان از ءتۇسۋى اتىراۋ، اقتوبە، قىزىلوردا، ماڭعىستاۋ جانە تۇركىستان وبلىستارىنىڭ حالقىنا قيىن تۋىپ جاتقانىن ايتىپ، ۇكىمەتتى شۇعىل شارا قابىلداۋعا شاقىردى.
– اسىرەسە، ماڭعىستاۋ مەن قىزىلوردا وبلىستارىندا اتا-بابامىزدان قالعان اسىل مۇرانىڭ ءبىرى – ءتورت تۇلىك مالدى ۇستاپ وتىرعان شارۋاشىلىقتار مەن تۇرعىندار اسا اۋىر جاعدايدا. ەلدە ورىن العان سۋ تاپشىلىعى مەن قۋاڭشىلىق جايلىمدىق جەرلەردىڭ جاعدايىن كەتىردى. وسى جاعداي تيىسىنشە مالدىڭ شىعىنىنا اكەلدى. 2020 جىلى ماڭعىستاۋدا 4883 مال باسىنىڭ ءولىمى تىركەلسە، بيىل ءبىرىنشى توقسان قورتىندىسى بويىنشا 1332 باس مال ولگەن. بۇل مالىمەت تەك سىرعالانعان، تىركەلگەن مال شىعىنى بويىنشا عانا، ال، وبلىستاعى مالدىڭ 56% قۇرايتىن قالىڭ بۇقارانىڭ قانشا مالى قىرىلعانى بەلگىسىز. مۇنداي جاعداي قىزىلوردا وبلىسىندا دا تىركەلىپ، 481 باس مال ولگەن. وسىنداي جاعداي مال ازىعىنىڭ باعاسىن ەسەلەپ كوتەرىپ جىبەردى. ماڭعىستاۋدا ءبىر تۇك ءشوپتىڭ باعاسى 17 مىڭ تەڭگە بولسا، ءبىر كگ ارپانىڭ باعاسى 95 تەڭگەگە جەتتى. ال كورشىلەس اقتوبە وبلىسىندا سول ءبىر تۇك ءشوپ 4 مىڭ تەڭگە تۇرادى. باعانى كوتەرىپ وتىرعان جول شىعىندارى جانە وسىدان پايدا كورىپ قالايىن دەپ وتىرعان دەلدالدار، – دەگەن دەپۋتات وسىنداي كۇردەلى جاعدايدا حالىق ءبىرىنشى كەزەكتە پارلامەنتكە، ۇكىمەتكە ارقا سۇيەيتىنىن اتاپ وتكەن.
دەپۋتات قالىپتاسقان جاعدايعا بايلانىستى تومەندەگىدەي شارالار كەشەنىن قولعا الۋدى ۇسىندى.
- قالىپتاسقان جاعدايلارعا بايلانىستى جۇت جايلاعان ناقتى اۋداندار مەن ايماقتاردا شۇعىل تۇردە جەرگىلىكتى دارەجەدەگى توتەنشە جاعداي جاريالانىپ، ولارعا ءتيىستى بيۋدجەتتىك كوزدەردەن جانە ماتەريالدىق قورلاردان ناقتى كومەكتەر كورسەتىلۋى ءتيىس؛
- زارداپ شەگىپ جاتقان اۋداندارعا مال ازىعىن جەتكىزۋ ءۇشىن كورشى وبلىستاردان تاسىمالداناتىن مال ازىعىنىڭ جول شىعىندارىن سۋبسيديالاپ، ءتيىستى اكىمشىلىك-باسقارۋ شارالارىن ىسكە اسىرۋ قاجەت؛
- قۋاڭشىلىقتان قيىندىق كورىپ وتىرعان وڭىرلەرگە باسقا وبلىستاردان تەز ارادا مال جايۋعا جانە مال ازىعىن دايىنداۋعا جەر تەلىمدەرى ۋاقىتشا پايدالانۋعا بەرىلسىن.
- مۇنداي جاعداي الداعى ۋاقىتتا ورىن الۋ ىقتيمالدىعىن ەسكەرىپ، اتقارۋشى بيلىك ءوز تاراپىنان مال شارۋاشىلىعىمەن اينالىساتىن تۇلعالارعا جەدەل كومەك كورسەتۋ، ساقتاندىرۋ، ايماق ارالىق قاتىناستاردى جۇيەلەۋدىڭ ناقتى، كەشەندى مەحانيزمدەرى مەن الگوريتمدەرىن جاساقتاۋى ءتيىس.
پرەمەر-مينيستردىڭ ورىنباسارى رومان سكليارعا جولدانعان دەپۋتاتتىق ساۋالعا ە. جاڭبىرشيننەن بولەك، ا. سارىم، س. مۋسابايەۆ، ع. امرەيەۆ، س. ناقپايەۆ، ق. ابباسوۆ، د. تۇرعانوۆ سەكىلدى دەپۋتاتتاردىڭ ەسى
پىكىر قالدىرۋ