ورالدا اسكەري بورىشىن وتەپ جۇرگەن سارباز ءوزىن-وزى اتىپ ءولتىردى دەپ حابارلادى "حابار 24" سايتى.

سايتتىڭ مالىمەتىنشە قايعىلى وقيعا 16 ماۋسىمدا تاڭعى ساعات 5:30 شاماسىندا بولعان. سارباز جەدەل وبلىستىق اۋرۋحاناعا جەتكىزىلگەن، الايدا دارىگەرلەر ونىڭ ءومىرىن ساقتاپ قالا الماعان.

ول سول ءتۇنى تۇزەتۋ مەكەمەسىندە كۇزەتتە بولعان. مارقۇم اقتوبە ءوڭىرىنىڭ تۋماسى. 

– قارۋدان ءوز-وزىن جارالادى. اسكەري قىزمەتشىنى امان الىپ قالۋ مۇمكىن بولعان جوق. قازىرگى تاڭدا اسكەري تەرگەۋ ورگاندارىمەن تەرگەۋ جۇرگىزىلۋدە. ازىرگە باسقا اقپارات بەرە المايمىز، – دەدى جانىبەك سارسەنوۆ 5517 اسكەري ءبولىمى كومانديرىنىڭ ورىنباسارى.

ەلدە وسىعان ۇقساس جاعدايلار جيىلەپ كەتتى. مامىر ايىندا جامبىل وبلىسى گۆاردەيسكيي كەنتىندە اسكەري بورىشىن وتەپ جۇرگەن سارباز وزىنە قول جۇمساعان. "82796" اسكەري ءبولىمىنىڭ مەرزىمدى قىزمەتتەگى ساربازى كازارما عيماراتىنىڭ 4ء-شى قاباتىنداعى تەرەزەدەن سەكىرىپ قايتىس بولعان. ول قايتىس بولاردىڭ بىرنەشە كۇن بۇرىن عانا انت قابىلداعان.