يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ءىنىسى ءمادي اتامقۇلوۆ پرەزيدەنت پروتوكولىنىڭ باستىعى لاۋازىمىنان بوساتىلىپ، قازاقستاننىڭ سەربيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.
ال پرەزيدەنت پروتوكول قىزمەتىنىڭ باستىعى لاۋازىمىنا دميتريي لەونيدوۆيچ ميحنو تاعايىندالسا، بۇعان دەيىن قازاقستان رەسپۋبليكاسىنىڭ سەربيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىن اتقىرىپ كەلگەن عابيت سىزدىقبەكوۆتىڭ قايدا كەتكەنى ازىرگە بەلگىسىز.
ءمادي باكىر ۇلى اتامقۇلوۆ 1974 جىلى 27 قاراشادا دۇنيەگە كەلگەن. قازاق ۇلتتىق تەحنيكالىق ۋنيۆەرسيتەتىن، قازاقستان رەسپۋبليكاسى پرەزيدەنتى جانىنداعى باسقارۋ اكادەمياسىن بىتىرگەن. ينجەنەر-مەتەللۋرگ، حالىقارالىق قاتىناستار ماگيسترى. ديپلوماتتىق دارەجەسى – ەكىنشى سىنىپتى كەڭەسشى.
پىكىر قالدىرۋ