قازگيدرومەت 8-10 شىلدە كۇندەرى قازاقستاننىڭ باتىس، سولتۇستىك-باتىس، سولتۇستىك، ورتالىق جانە شىعىس ايماقتارىندا جاڭبىر جاۋاتىنىن حابارلادى.

"كاسپيي تەڭىزىنىڭ سولتۇستىگىندە قالىپتاسقان سيكلون جانە ونىمەن بايلانىستى فرونتالدى بولىمدەر، 8-10 شىلدە ارالىعىندا قازاقستاننىڭ بۇكىل اۋماعىن قامتي وتىرىپ، سولتۇستىك-شىعىس باعىتقا ىعىساتىن بولادى. وسىعان بايلانىستى، باتىستا، سولتۇستىك-باتىستا، سولتۇستىكتە، ورتالىقتا جانە شىعىستا قاتتى جاڭبىر جاۋادى، ولار نايزاعاي، بۇرشاق، ەكپىندى جەلمەن بىرگە جۇرەدى.

باتىستا اۋا تەمپەراتۋراسى تۇندە +13+23℃ دەيىن، كۇندىز +23 +32℃ دەيىن بولادى. رەسپۋبليكانىڭ سولتۇستىگىندە، سولتۇستىك-باتىسىندا تۇندە +10+21℃، كۇندىز تەرمومەتر +20+28℃ تەمپەراتۋراعا جەتەدى. ەلدىڭ ورتالىعىندا جانە شىعىسىندا تۇندە +13+23℃، كۇندىز +25+37، ال قازاقستاننىڭ وڭتۇستىگىندە جانە وڭتۇستىك-شىعىسىندا – تۇنگى تەمپەراتۋرا +18+25°س، كۇندىز +30+42°س بولادى" دەلىنگەن مەكەمە تاراتقان اقپاراتتىق حابارلامادا.