پاندەميا باستالعالى الماتىدا اۋرۋ جۇقتىرۋدىڭ ەڭ جوعارى كورسەتكىشى تىركەلدى. سوڭعى تاۋلىكتە مىڭ ادامنان كوروناۆيرۋس انىقتالعان. بۇل تۋرالى قالا اكىمشىلىگىڭ باسپا ءسوز قىزمەتى حابارلادى.
"سالىستىرمالى تۇردە ايتساق، كوروناۆيرۋس ينفەكسياسىنىڭ ءبىرىنشى جانە ەكىنشى تولقىنىندا قالادا تاۋلىگىنە 500-700 ادام ىندەت جۇقتىرعان. ال شىلدەنىڭ ءۇش اپتاسىندا اۋىرعانداردىڭ سانى 4 ەسە ءوستى. اسىرەسە دەلتا شتاممىنىڭ تەز تارالىپ جاتقانى بايقالادى" دەلىنگەن حابارلامادا.
قازىرگى ۋاقىتتا قالا اكىمدىگى قالاداعى دەنساۋلىق ساقتاۋ جۇيەسىن اۋرۋمەن كۇرەسكە جۇمىلدىرىپ جاتقانىن ءمالىم ەتتى. اۋرۋحانالارداعى توسەك ورىنداردى ساناپ، ولاردى ىسكە قوسۋ قولعا الىندى.
"قالادا ۇجىمدىق يممۋنيتەت قالىپتاستىرۋدىڭ باياۋ ءجۇرۋى جاپپاي اۋرۋ جۇقتىرۋعا اكەلىپ وتىر.
سوندىقتان اكىمدىك الماتىلىقتاردى ۆاكسينا الۋعا شاقىردى. بازارلار، قوعامدىق كولىك، قوعامدىق تاماقتانۋ ورىندارى مەن ادامدار كوپ جينالاتىن دەمالىس ساياباقتارى ينفەكسيا جۇقتىراتىن نەگىزگى ورىندار بولىپ وتىر" دەلىنگەن اكىمشىلىك تاراتقان حابارلامادا.
پىكىر قالدىرۋ