قازاقستاندىق جۋرناليست نۇرپەرزەنت دومباي قايتىس بولدى. بۇل تۋرالى جازۋشى زاريا جۇمانوۆا facebook پاراقشاسىندا جازدى.
– جاڭا عانا جامانات حابار الدىق. نۇرپەرزەنت دومباي دوسىمىز قايتىس بولىپتى، – دەپ جازدى جۇمانوۆا.
نۇرپەرزەنت دومباي 1958 جىلى تۋعان. ءقازمۋ-دىڭ جۋرناليستيكا فاكۋلتەتىن بىتىرگەن.
ەڭبەك جولىن بۇرىنعى جەزقازعان وبلىسى ۇلىتاۋ اۋداندىق "ۇلىتاۋ ءوڭىرى" گازەتىندە باستادى. جەزقازعان وبلىستىق گازەتىندە ءبولىم مەڭگەرۋشىسى، ايماقتىق گازەتتىڭ رەداكتورى، "ەگەمەن قازاقستاننىڭ" مەنشىكتى ءتىلشىسى قىزمەتتەرىن اتقاردى. 2008 جىلدان "انا ءتىلى" گازەتىندە قىزمەت ەتكەن ەدى.
قالامگەر ەكى ولەڭدەر، جەتى دەرەكتى شىعارمالار جيناعىنىڭ اۆتورى. ول – قازاقستان جازۋشىلار وداعىنىڭ مۇشەسى، قازاقستان جۋرناليستەر وداعى سىيلىعىنىڭ لاۋرەاتى، ق ر اقپارات سالاسىنىڭ ۇزدىگى، ق ر مادەنيەت قايراتكەرى بولدى.
پىكىر قالدىرۋ