الماتى قالاسىنىڭ باس سانيتار دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا سويلەگەن سوزىندە سوڭعى ەكى اپتادا مەگاپوليستە كۆي دەرتى 1143-تەن 2377 جاعدايعا دەيىن وسكەنىن ايتتى.
سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قالا تۇرعىندارىنان جاعدايدىڭ ۋشىعۋىن بولدىرماۋ ءۇشىن بەلگىلەنگەن شەكتەۋلەردى ساقتاۋدى سۇرادى.
ج. بەكشيننىڭ ايتۋىنشا، سوڭعى تاۋلىكتە الماتىدا كۆي-دىڭ 305 جاعدايى تىركەلگەن. "الماتىدا 17 ماۋسىمنان باستاپ ەپيدەميولوگيالىق جاعداي بارىنشا كونتاگيوزدى مۋتاسيالانعان جاڭا "دەلتا" شتاممىنىڭ تارالۋىنا بايلانىستى كۇردەلەنە ءتۇستى.
وتكەن اپتادا پتر ناتيجەلەرى الدىڭعى 7 كۇندەگى 130-عا قاراعاندا تاۋلىگىنە 215-كە دەيىن ءوستى"، – دەدى قالانىڭ باس سانيتارلىق دارىگەرى. ول بيىلعى جىلى مەگاپوليستە ءقازىردىڭ وزىندە 56 مىڭنان استام ۆيرۋس جۇقتىرعانداردىڭ، ونىڭ ىشىندە ماۋسىم ايىندا 4 573 جاعدايدىڭ تىركەلگەىن ايتتى.
2021 جىلدىڭ ءبىرىنشى جارتىجىلدىعىندا دەرت وتكەن جىلدىڭ وسى كەزەڭىمەن سالىستىرعاندا 10 ەسەگە ارتقان. 132 جاريالانعان كۇنى 02 شىلدە 2021 قىزمەت باعىتى دەنساۋلىق ساقتاۋ جاڭالىقتارعا جازىلۋ
پىكىر قالدىرۋ