الەۋمەتتىك جەلىدە ازاماتتىق كيىمدەگى ادام پوليسيا قىزمەتكەرىنە قول جۇمساعانى كورىنگەن ۆيدەو تاراپ جاتىر. Kazakhstan.media پاراقشاسىنداعى اقپاراتقا قاراعاندا ازاماتتىق كيىمدەگى ادام الماتى قالاسى ناۋرىزباي اۋداندىق پوليسيا باسقارماسى باستىعىنىڭ ورىنباسارى بولىپ شىقققان.
"اق فۋتبولكاداعى ازامات ناۋرىزباي اۋداندىق پوليسيا باسقارماسى باستىعىنىڭ ورىنباسارى، پوليسيا مايورى قانات ەركىن ۇلى جاقىپبايەۆ. ول جەكپە-جەك سپورتىنداعى ونەرىن پايدالانىپ، جاس قىزمەتكەرلەردى جۇيەلى تۇردە ۇرىپ-سوعادى. ءبىراق دەپارتامەنت بۇل جاعدايعا كوز جۇمىپ قاراپ كەلەدى. سونداي-اق كريمينالدىق پوليسيا ءبولىمىنىڭ ورىنباسارى ەرلىك تۇرىمبەتوۆ جاس قىزمەتكەردىڭ قولىن ۇستاپ، ومەكتەسكەن" دەلىنگەن اقپاراتتىق حابارلامادا.
الماتى قالاسى پوليسيا دەپارتامەنتى باستىعىنىڭ تەرگەۋ بويىنشا ورىنباسارى رۋستام ابدراحمانوۆ اتالعان دەرەك بويىنشا قىزمەتتىك تەكسەرۋ باستالعانىن، كىنالىلەر انىقتالىپ، جاۋاپقا تارتىلاتىنىن حابارلاعان بولاتىن.
ارتىنشا الماتى پوليسياسىنىڭ باستىعى قانات تايمەردەنوۆ جەدەل تارتىپتىك كوميسسيا وتكىزىلىپ، ناتيجەسىندە ناۋرىزباي اۋداندىق پوليسيا باسقارماسى باستىعىنىڭ ورىنباسارى، پوليسيا مايورى قانات جاقىپبايەۆ پوليسيا ءبولىمىنىڭ بەدەلىن تۇسىرگەنى جانە "قازاقستان رەسپۋبليكاسى مەملەكەتتىك قىزمەتشىلەرىنىڭ ەتيكالىق كودەكسى" نورمالارىن بۇزعانى ءۇشىن ىشكى ىستەر ورگاندارىنان شىعارىلعانىن حابارلادى.
سونىمەن قاتار، تايمەردەنوۆ بۇل فاكتىنى قىلمىستىق كودەكسىنىڭ 362 بابى – بيلىكتى نەمەسە قىزمەتتىك وكىلەتتىلىكتى اسىرا پايدالانۋ بويىنشا سوتقا دەيىنگى تەرگەۋدىڭ ءبىرىڭعاي تىزىمىنە تىركەگەنىن ايتتى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ