قىركۇيەكتىڭ 30 كۇنى ماڭعىستاۋلىق وقۋشىلاردىڭ اراسىندا ۇزدىكتەردى انىقتايتىن پرەزيدەنتتىك وليمپيادا باستالادى.

وليمپيادا «Ustudy» تەستىلەۋ ورتالىعىندا «ءبىر قاتىسۋشى - ءبىر كومپيۋتەر - ءبىر كامەرا» قاعيداسى بويىنشا ۇيىمداستىرىلماق.

 ءدۇبىرلى دودانىڭ ءى تۋرى رەسپۋبليكا بويىنشا ءبىر ۋاقىتتا وتەدى. پرەزيدەنتتىك وليمپيادادا 11 سىنىپ وقۋشىلارى جاراتىلىستانۋ-ماتەماتيكا باعىتىنداعى ماتەماتيكا، حيميا، بيولوگيا جانە فيزيكا ءپانى بويىنشا تاپسىرمالار ورىندايدى. ولكەمىزدەن بۇل كەزەڭگە 50 وقۋشى قاتىسادى.

-پرەزيدەنتتىك وليمپيادا ەلباسى نۇرسۇلتان نازاربايەۆتىڭ تاپسىرماسى بويىنشا 2008 جىلدان بەرى وتكىزىلىپ كەلەدى. ءداستۇرلى تۇردە وتەتىن وليمپيادانىڭ وبلىستىق كەزەڭى اعىمداعى جىلدىڭ 30 قىركۇيەگىنە جوسپارلانعان. وليمپياداعا 11-سىنىپ وقۋشىلارى قاتىسادى. وليمپيادانىڭ تالاپتارى بويىنشا ءبىر وقۋشى ماتەماتيكا، حيميا، بيولوگيا جانە فيزيكا پانىنەن تاپسىرادى جانە قاتىسۋشى وقۋشى بۇرىن رەسپۋبليكالىق پەن حالىقارالىق وليمپياداعا قاتىسپاعان بولۋى شارت. پرەزيدەنتتىك وليمپيادانىڭ باستى يدەياسى - جاراتىلىستانۋ-ماتەماتيكالىق باعىتتاعى پاندەردى وقىتۋدا وقۋشىلاردىڭ قىزىعۋشىلىعىن ارتتىرۋ، تەوريالىق بىلىمدەرى مەن داعدىلارىن تەرەڭدەتۋ. قاتىسۋشىلاردىڭ ىشىندە جوعارى ۇپاي جيناعان 20 وقۋشى ەكىنشى كەزەڭگە جولداما الادى. ەكىنشى كەزەڭنەن سۇرىنبەي وتكەن وقۋشى رەسپۋبليكالىق كەزەڭگە قاتىسادى. ق ر «ءبىلىم تۋرالى» زاڭىنا سايكەس قازاقستان رەسپۋبليكاسى ءبىلىم جانە عىلىم مينيسترلىگىنىڭ I، II جانە III دارەجەلى ديپلومدارىمەن ماراپاتتالعان پرەزيدەنتتىك وليمپيادانىڭ جەڭىمپازدارى مەن جۇلدەگەرلەرى ەلىمىزدىڭ جوعارى وقۋ ورىندارىندا وقۋ ءۇشىن ءبىلىم بەرۋ گرانتتارىن الۋ كونكۋرسىنا قاتىسۋ كەزىندە باسىم قۇقىققا يە بولادى، دەيدى ماڭعىستاۋ وبلىستىق «دارىن» قوسىمشا ءبىلىم ورتالىعىنىڭ زياتكەرلىكتى دامىتۋ جۇمىستارى زەرتحاناسىنىڭ باسشىسى گاۋحار تادجيبەنوۆا.

پرەزيدەنتتىك وليمپيادانىڭ ءىى كەزەڭى اعىمداعى جىلدىڭ 22 قازانىندا وتەدى. وسى ارالىقتا ءى كەزەڭنىڭ جەڭىمپازدارىن حالىقارالىق ترەنەرلەر ارقىلى وليمپياداعا دايىنداۋ جوسپارعا قويىلعان. وبلىستىق كەزەڭنىڭ جەڭىمپازدارى 15-18 قاراشادا وتەتىن پرەزيدەنتتىك وليمپيادانىڭ رەسپۋبليكالىق كەزەڭىنە قاتىسادى.

2019-2020 وقۋ جىلىندا وتكەن پرەزيدەنتتىك وليمپيادانىڭ جەڭىمپازدارى قازىرگى تاڭدا جوعارى وقۋ ورىندارىندا ءبىلىم گرانتتارىمەن ءبىلىم الۋدا.