اقمولا وبلىسىنا قاراستى بايقونىس اۋىلىندا پاتەر ورتەنىپ، بەس جاستاعى بالا كوز جۇمدى. بۇل تۋرالى وبلىستاعى توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.

دەپارتامەنت مالىمەتىنشە، ءورت 1 قازان كۇنى ساعات 06:15-تە بايقونىس اۋىلىنداعى ەكى پاتەرلى تۇرعىن ۇيدە بولعان. ءورت 85 شارشى مەتر اۋماقتى شارپىعان.

"ءورتتى سوندىرۋگە تجد-نىڭ 6 قىزمەتكەرى جانە ءبىر ءورت ءسوندىرۋ تەحنيكاسى جۇمىلدىرىلدى. وتاعاسى ايەلى مەن ەكى بالاسىن قۇتقارىپ ۇلگەردى. وكىنىشكە قاراي، 2016 جىلعى ۇلكەن ۇلى ورتتەن كوز جۇمدى. كۇيىك شالعان ەر ادام ستەپنوگور قالالىق اۋرۋحاناسىنا جاتقىزىلدى" دەپ جازىلعان حابارلامادا.

توتەنشە جاعدايلار دەپارتامەنتى ءورت 07:14-تە اۋىزدىقتالىپ، 07:46-دا سوندىرىلگەنىن ءمالىم ەتتى. ءورتتىڭ شىعۋ سەبەبىن ماماندار انىقتاپ جاتىر.