شىمكەنت قالاسىنداعى ماڭىزدى نىسانداردىڭ ءبىرى – رەسپۋبليكا داڭعىلى.

رەسپۋبليكا داڭعىلى - كولىك اعىنىنىڭ قارقىندىلىعىنا بايلانىستى جانە قالانى وزگە ەلدى-مەكەندەرمەن بىرىكتىرەتىندىكتەن قالامىزدىڭ باستى ماگيسترالدى كوشەلەرىنىڭ ءبىرى بولىپ تابىلادى.

اتالعان كوشە بويىنشا ورتاشا جوندەۋ جۇمىستارى 2020-2021 جج ارالىعىنا جوسپارلانعان.

شىمكەنت قالاسىنىڭ وڭتۇستىك قاقپاسىنا سانالاتىن بۇل داڭعىلدىڭ قۇرىلىس جۇمىستارى «كورپوراسيا بەرەكە-ا» جشس-گىنە جۇكتەلگەن جانە تەحنيكالىق قاداعالاۋشى «ارمان ستروي حولدينگ» جشس-گى.

رەسپۋبليكا داڭعىلىنىڭ جالپى ۇزىندىعى ءتورتجولاقتى 5،3 شاقىرىمدى قۇرايدى، ال جولدىڭ ەنى 28 مەتردى قۇرايدى. كوشەنىڭ ءبولۋ جولاعىنىڭ ءبىر شەتىنە سۋ قاشىرعىش قۇبىرلار، ال ەكىنشى جاعىنا لوتوك ورناتىلعان جانە ەنى 2،25 م جاياۋ جۇرگىنشى جولى سالىنعان. قۇبىر ۇستىنەن ب.مومىش ۇلى كوشەسىنەن جەر استى وتكەلىنە («كولوس» ايالداماسىنا) دەيىن ۆەلوجول قاراستىرىلعان، اسفالت قۇبىر ارقىلى لوتوكقا باراتىنداي ەتىپ توسەلگەن.

بۇل جۇيە بۇعان دەيىن ا.بايتۇرسىنوۆ كوشەسىندە تەكسەرىلىپ الىنعان. جولدىڭ تومەڭگى تۇزەتۋ قالىڭدىعى 9 سم، ال اسفالت بەتوننىڭ بەتكىقاباتى 5 سم قۇرايدى.

بۇگىندە قۇرىلىس جۇمىستارىنىڭ 90 پايىزى بىتكەن.