شىمكەنت قالاسىنىڭ ينۆەستيسيالىق شتاب وتىرىسىندا حاتتامالىق تاپسىرمالاردىڭ ورىندالۋ بارىسى تالقىعا ءتۇستى. قالالىق كاسىپكەرلىك جانە يندۋستريالدى-يينوۆاسيالىق دامۋ باسقارماسىنىڭ باسشىسى ب.دۇيسەبەكوۆ حاتتامالىق تاپسىرمالاردىڭ ورىندالۋى بويىنشا بايانداما جاسادى.
باسقارما باسشىسىنىڭ ايتۋىنشا، جالپى 145 حاتتامالىق تاپسىرما بەرىلگەن. بۇگىندە ونىڭ 137ء-ى ورىندالسا، 8ء-ى ورىندالۋ ساتىسىندا.
اتاپ ايتقاندا، ساۋلەت، قالا قۇرىلىسى جانە جەر قاتىناستارى باسقارماسى 2، ەنەرگەتيكا جانە كوممۋنالدىق-شارۋاشىلىق باسقارماسى تاراپىنان 6 تاپسىرما ورىندالۋدا.
«تاسساي» يندۋستريالىق ايماعىندا ورنالاسقان «DENTAFILL KAZAKHSTAN» ج ش س دارى-دارمەك جانە گيگيەنالىق بۇيىمدار ءوندىرىسى جوباسىن قاجەتتى گاز جۇيەسىمەن قامتاماسىز ەتۋ ماسەلەسى بويىنشا ۇسىنىس ەنگىزىلگەن بولاتىن.
بۇگىندە «تاسساي» يندۋستريالىق ايماعىندا ورنالاسقان كاسىپكەرلىك نىساندارعا تابيعي گازدىڭ جەتىسپەۋشىلىگى بويىنشا 2ء-شى كەزەڭىنىڭ قۇرىلىس جۇمىستارىنا (تابيعي گاز) جوبالاۋ-سمەتالىق قۇجاتتاما ازىرلەندى. سونىمەن قاتار، «تاسساي» يندۋستريالىق ايماعى ينجەنەرلىك ينفراقۇرىلىمىنىڭ قۇرىلىسى بويىنشا تەحنيكالىق-ەكونوميكالىق نەگىزدەمەسىنە تۇزەتۋلەر ەنگىزىلۋدە. 2021 جىلدىڭ قىركۇيەك ايىنىڭ سوڭىنا دەيىن ساراپتاما قورىتىندىسى الىنادى.
قۇرىلىس جۇمىستارىن 2021 جىلدىڭ سوڭىنا دەيىن جۇرگىزىپ، ايماقتاعى ونەركاسىپ نىساندارىن تابيعي گاز جۇيەسىمەن قامتۋ جوسپارلانۋدا.
جالپى حاتتامالىق تاپسىرمالاردى 1 قاراشاعا دەيىن ورىنداۋ مىندەتتەلىپ وتىر.
پىكىر قالدىرۋ