شىمكەنت قالاسىنىڭ №2 قالالىق اۋرۋحاناسىندا نۇر-سۇلتان قالاسىنان كەلگەن رەنتگەنحيرۋرگ ەۆگەنيي مۋننىڭ قاتىسۋىمەن «وستەوارتريت كەزىندە تىزە استى ارتەرياسىنىڭ تارماقتارىن ەمبوليزاسيالاۋ» تاقىرىبىندا شەبەرلىك ساعاتى وتكىزىلدى.

تىزە بۋىنىنىڭ اۋىر وستەوارتريتى بار ناۋقاستاردا اۋىرسىنۋدى ءتيىمدى ازايتۋ ءۇشىن تىزە استى ارتەريانىڭ تارماقتارىن ەمبوليزاسيالاۋ ۇسىنىلۋى مۇمكىن. بۇل ءادىستى كونسەرۆاتيۆتى ەمدەۋگە كەلمەيتىن جانە رەكونسترۋكتيۆتى وپەراسياعا مۇمكىندىگى كەلمەيتىن ناۋقاستاردا ۇسىنىلادى.

تىزە استى ارتەريانىڭ تارماقتارىن ەمبوليزاسيالاۋ - قابىنۋدى ازايتۋ ارقىلى اۋىرسىنۋدى جانە وستەوارتريتتىڭ باسقا بەلگىلەرىن ازايتۋ ءۇشىن ينتەرۆەنسيالىق رەنتگەنحيرۋرگتارمەن جۇرگىزەتىن جاڭا ءتاسىل. شەبەرلىك ساعاتى كەزىندە اۋرۋدىڭ ءارتۇرلى ساتىلارى بار 5 ناۋقاسقا العاش رەت جاڭا ادىسپەن وتا جاسالدى. وتادان كەيىن پاسيەنتتەر وزدەرىن جاقسى سەزىنۋدە جانە جاقىن كۇندەرى اۋرۋحانادان شىعادى دەپ كۇتىلۋدە.

ايتا كەتەتىنى №2 قالالىق اۋرۋحاناسىندا بيىل ناۋرىز ايىندا مي قان اينالىمىنىڭ بۇزىلىسى بار ناۋقاستارعا شۇعىل مەديسينالىق كومەك كورسەتۋ ءۇشىن ينسۋلت ورتالىعى، رەنتگەنوحيرۋرگيالىق دياگنوستيكا مەن ەمدەۋ ادىستەرى بولىمشەسى (انگيوگرافيا) اشىلعان بولاتىن. بۇگىنگى تاڭعا دەيىن وندا 220 رەنتگەنحيرۋرگيالىق وتا جاسالعان.