شىمكەنت قالاسى ەڭبەكشى اۋدانىنىڭ اكىمى دوسبول ەسىلبەك قالا اكىمدىگىنىڭ «ينستاگرام» پاراقشاسىنداعى تىكەلەي̆ ەفيردە اتقارىلعان جۇمىستاردى باياندادى. اۋدان اكىمى قىسقى جىلىتۋ ماۋسىمىنا دايىندىق، ۇلتتىق حالىق ساناعىن وتكىزۋ جانە سانيتارلىق تازالىق جۇمىستارىنان حاباردار ەتىپ، تۇرعىندار ساۋالىنا جاۋاپ بەردى.

ەڭبەكشى اۋدانىنداعى كوپقاباتتى ءۇي تۇرعىندارىنا 2021-2022 جىلعى قىسقى جىلۋ ماۋسىمىندا گازبەن ۋلانۋدىڭ الدىن الۋ، گاز قوندىرعىلارىن ءقاۋىپسىز پايدالانۋ، پەش مۇرجالارىن ۋاقتىلى تازالاۋ، جىلىتۋ جانە گاز قوندىرعىلارىن تالاپقا ساي ورناتۋ بويىنشا ءتۇسىندىرۋ جۇمىستارى جۇرگىزىلىپ، جادىنامالار تاراتىلدى. بۇل ماقساتتا جىل باسىنان بەرى اۋدان تۇرعىندارىمەن 290 جينالىس وتكىزىلىپ، ءۇي ىشىلىك گاز جابدىعىنا سەرۆيستىك قىزمەت كورسەتۋشى مەكەمەلەرمەن كەلىسىمشارتقا تۇرۋ جونىندە ءتۇسىندىرىلدى.

2021 جىلدىڭ 1-30 قازان ارالىعىندا ۇلتتىق حالىق ساناعىنىڭ 2-كەزەڭى جۇرگىزىلۋدە. وسى ورايدا ەڭبەكشى اۋدانىندا 37 ورىن-جاي انىقتالىپ (ونىڭ ىشىندە، 28 مەكتەپ، 1 كوركەم سۋرەت مەكتەبى)، بولىنگەن بولمەلەر كومپيۋتەر، جيھاز، سىمتەتىك، ينتەرنەت جەلىسىمەن قامتاماسىز ەتىلدى.
جالپى اۋدان بويىنشا ۇلتتىق ساناقتىڭ 2-كەزەڭىندە 37 ساناق ۋچاسكەسىندە 37 نۇسقاۋشى-باقىلاۋشى جانە 252 ينتەرۆيۋەر (ساناقشىلار)، جالپى بارلىعى 289 ادام ساناق جۇرگىزۋدە.

اۋدان اۋماعىنداعى سانيتارلىق تازالىق جۇمىستارى «لتد تۇرمىس» ج ش س تاراپىنان جۇرگىزىلەدى. بۇگىنگە دەيىن اۋداندا سانيتارلىق تازالاۋ جۇمىستارىن ۇيىمداستىرۋ ءۇشىن 8 قالالىق، 15 اۋداندىق سەنبىلىكتەر وتكىزىلدى. سەنبىلىكتەرگە 81000-عا جۋىق ادام قاتىسىپ، 216 تەحنيكا جۇمىلدىرىلدى. تازالىق ءىس-شارالارىنا تۇرعىندار، مەردىگەر مەكەمەلەر، ەرىكتىلەر، ساۋدا نىسانىنىڭ يەلەرى قاتىسۋدا.

اۋدان اكىمى ەفير بارىسىندا ينجەنەرلىك جۇيەلەر، الەۋمەتتىك ماسەلەلەر بويىنشا تۇرعىندار تاراپىنان قويىلعان ساۋالدارعا جاۋاپ بەردى.