مەملەكەت باسشىسى قاسىم-جومارت توقايەۆ الداعى بەس جىلدا ەلىمىزدىڭ ورمان قورىندا 2 ميللياردتان استام، ال ەلدى مەكەندەردە 15 ميلليوننان استام اعاش وتىرعىزۋدى ايتقان بولاتىن. وسى باعىتتا شىمكەنت قالاسىنىڭ جاسىل القاپ كولەمىن ۇلعايتۋ ماقساتى قويىلدى. جوسپارلانعان ءىس-شارالاردى جۇزەگە اسۋىرۋ ءۇشىن اعاش-بۇتا كوشەتتەرىن وسىرۋگە ارنالعان ورمان تۇقىمباقتارىن دامىتۋ قاجەت.

شىمكەنت قالاسىنىڭ قالالىق جايلى ورتانى دامىتۋ باسقارماسىنا قاراستى «جاسىل بەلدەۋ» كوممۋنالدىق مەملەكەتتىك مەكەمەسىنىڭ تەڭگەرىمىندەگى تۇقىمباق اۋماعى جىل سوڭىنا دەيىن 2،8 گەكتاردان 8،2 گەكتارعا ۇلعايتىلاتىن بولادى. سونىمەن بىرگە، اتالعان مەكەمەگە مەملەكەتتىك ورمان قورىنان 752،8 گەكتار جەر ۋچاسكەسى بەكىتىلىپ بەرىلدى.

تۇقىمباق جەر ۋچاسكەلەرىندە قالانىڭ جاسىل بەلدەۋ كولەمىن ۇلعايتۋ مەن قالا كوشەلەرىن، وندىرىستىك نىساندارىن كوگالداندىرۋعا قاجەتتى اعاش-بۇتا كوشەتتەرىن ءوسىرۋ كوزدەلۋدە. ءبىرىنشى كەزەكتە تۇقىمباقتىڭ 8،2 گەكتارىنا 19 ءتۇرلى اعاش-بۇتا تۇقىمدارى وڭدەپ سەبىلەدى جانە 1،7 گەكتار جەرگە ءارتۇرلى تال، اعاش، بۇتالاردىڭ 140 مىڭ دانا قالامشاسى وتىرعىزىلادى. جوبا بويىنشا ءوسىرىلىپ جاتقان اعاش-بۇتا كوشەتتەرىنىڭ سانى 1 ميلليون 770 مىڭ داناعا جەتۋى ءتيىس.

وتكەن جىلى اتالعان تۇقىمباقتاعى 2،8 گەكتار جەرگە 18 ءتۇرلى اعاش-بۇتانىڭ 86 220 اعاش تۇقىمدارى ەگىلدى. اتاپ ايتقاندا قاراعاش، ۇيەڭكى، ەمەن، تالشىن، ورىك، بادام، قارامالا، شاعان جانە شابدالى، جيدە، المۇرت، جايارشا، ايلانت، ساكۋرا، كاتالپا، تەرەك، بۇيىرگەن، ءسامبى تال.

سونىمەن قاتار مەكەمە تاراپىنان اعىمداعى جىلى تۇقىم جيناۋ جۇمىستارى جۇرگىزىلىپ. ناتيجەسىندە جالپى 1863 كگ (1500 كگ – ەمەن، 3 كگ – الما، 30 كگ – ورىك، 50 كگ – قارا ورىك ، 280 كگ – كاشتان) اعاشتارىنىڭ تۇقىمدارى جينالدى.