«ەلگە ەل قوسىلسا — قۇت» دەمەكشى، ەلىمىزگە 1990 جىلدارى باستاۋ العان ۇلى كوش بويىنشا تۋعان ەلدىڭ توپىراعىنا، اتاجۇرتىنا دەگەن سارعايعان ساعىنىشىن ارقالاپ، قانداستار اعىلۋدا.

قونىس اۋدارعان قانداستاردىڭ باسىم بولىگى وزبەكستان رەسپۋبليكاسىنان كەلگەندەردىڭ ۇلەسىندە. كورشى ەلدەن 1516 ادام قازاق ەلىنە قونىس اۋدارۋدى ءجون كورىپتى. سونداي-اق، اۋعانستاننان 11، قىتايدان 5، رەسەيدەن 3، تاجىكستاننان 2 ادام، تۇركمەنىستاننان 1 ادام، تۇركيادان 1 ادام شىمقالاعا تابان تىرەدى.

جالپى شىمكەنتتە بيىلعى جىلدىڭ 1 قازانىنا دەيىن 1539 ادامعا قانداس مارتەبەسى بەرىلدى. كەلۋشىلەر قونىستانۋ تەندەنسياسى بويىنشا شىمكەنت قالاسىنىڭ ءار اۋدانىنا ورنالاستى.

ايتا كەتۋ كەرەك، شىمكەنت قالاسىندا قانداستاردى بەيىمدەۋ جانە ىقپالداستىرۋ ورتالىعى بار. ول جەردە قازاقستان رەسپۋبليكاسىنىڭ زاڭناماسىنا سايكەس قانداستارعا جانە ولاردىڭ وتباسى مۇشەلەرىنە بەيىمدەۋ جانە ىقپالداستىرۋ قىزمەتىن كورسەتەدى. بۇگىنگى تاڭعا ورتالىقتا 9 وتباسى قۇرامىندا 21 ادام بەيىمدەۋ قىزمەتىن الىپ جاتىر.