مەملەكەت باسشىسى حالىققا ارناعان جولداۋىندا ەل ەكونوميكاسىن ساياسي مودەرنيزاسيا جاساۋ ارقىلى كۇشەيتىپ، وعان قوعامدىق ۇيىمداردى جانە ازاماتتىق سەكتوردى كوبىرەك تارتۋ قاجەتتىلىگى تۋرالى ايتقان بولاتىن. وسىعان وراي ازاماتتىق قوعامدى دامىتۋ تۋرالى ارنايى تۇجىرىمداما قابىلداندى.

بۇگىن شىمكەنت قالاسىندا ازاماتتىق قوعامدى دامىتۋدىڭ جول كارتاسى جوباسى شەڭبەرىندە ازاماتتىق رەسۋرس ورتالىعى اشىلدى. بۇل ورتالىق ۇەۇ سەكتورىن دامىتۋ، سەكتورارالىق ءوزارا ءىس-قيمىلدى باستاۋ جانە قولداۋ ءۇشىن الاڭ بولۋدى كوزدەيدى.

اتالمىش ورتالىقتىڭ ماقساتى – ازاماتتىق باستامالار مەن الەۋمەتتىك باعدارلانعان كوممەرسيالىق ەمەس ۇيىمداردى دامىتۋ ءۇشىن قولايلى جاعدايلار جاساۋ. ال مىندەتتەرى – شىمكەنت قالاسىنىڭ باستاماشىل ازاماتتارى مەن كوممەرسيالىق ەمەس ۇيىمدارى ءۇشىن كونسۋلتاسيالىق-وقىتۋ باعىتىن جانە سەكتورارالىق ءتيىمدى ءوزارا ءىس-قيمىلدى ۇيىمداستىرۋ، ازاماتتىق قوعام ۇيىمدارىنىڭ قىزمەتى بويىنشا ادىستەمەلىك ماتەريالدار مەن نورماتيۆتىك قۇجاتتاردى دايىنداۋ، كوممەرسيالىق ەمەس ۇيىمدارىنىڭ الەۋەتىن ارتتىرۋ بولىپ تابىلادى.

ازاماتتىق قوعام ينستيتۋتتارىندا ەرەكشە باسىمدىلىق ساياسي پارتيالارعا جۇكتەلەدى. ساياسي پارتيالار بيلىك ءۇشىن باسەكەلەستىك كۇرەستە قوعامدىق قولداۋدى جۇمىلدىرۋشى قۇرال رەتىندە قىزمەت جاسايدى. پارتيالىق جۇمىلدىرۋ ارقىلى ازاماتتار قازىرگى زاماننىڭ ساياسي ءۇردىسىنىڭ بەلسەندى مۇشەسىنە اينالادى، ياعني ىرىكتەۋ قىزمەتىن اتقارادى. پارتيالار قوعامدىق مۇددەلەردى قالىپتاستىرۋدا دا ماڭىزدى ءرول اتقارادى.

وسى ورايدا ەلىمىزدەگى جەتەكشى ساياسي كۇشكە اينالا بىلگەن 22 جىلدىق تاريحى بار «Nur Otan» پارتياسىن ەرەكشە اتاپ وتۋگە بولادى. قازاقستاننىڭ قارقىندى دامۋى مەن وركەندەۋىن ماقسات تۇتىپ، ەلىمىزدىڭ ءاربىر ازاماتىنىڭ جارقىن ءومىر ءسۇرۋى ءۇشىن ماڭىزدى قادامدار جاسادى.

Cايكەسىنشە، «Nur Otan» پارتياسى ەكونوميكالىق جانە ساياسي جاڭعىرۋ، قوعامدى ەلدىك ماقساتقا ۇيىستىرۋ، مىقتى جانە تابىستى مەملەكەت قۇرۋعا باعىتتالعان ءوز يدەولوگياسىن جۇيەلى جۇزەگە اسىرىپ كەلەدى.

تۇراقتىلىق پەن دامۋدىڭ بەرىك كەپىلى بولاتىن ۇزاق مەرزىمدى ساياسي كوشباسشىلىق قامتاماسىز ەتىلگەن ەلدەر عانا ۇلكەن تابىستارعا جەتەتىنى ءسوزسىز. مىقتى ازاماتتىق قوعام – مەملەكەتتىڭ وركەندەۋىنىڭ كەپىلى!