شىمكەنت قالاسىنىڭ اكىمى مۇرات ايتەنوۆ «لتد-تۇرمىس» ءجشس-نىڭ بازاسىنا بارىپ، مەكەمەنىڭ قىسقى ماۋسىمعا دايىندىق جۇمىستارىمەن تانىستى.

2021-2022 جىلعى كۇزگى-قىسقى ماۋسىمدا اباي اۋدانى اۋماعىنىڭ ورتالىق كوشەلەرىن قاردان تازارتۋ جۇمىستارىنا «لتد تۇرمىس» ج ش س تاراپىنان 105 جۇمىسشى، 49 دانا ارنايى مامانداندىرىلعان قار كۇرەۋ، قۇم سەبۋ جانە اياقجولداردى تازالاۋ تەحنيكالارى دايىندالدى. اتاپ ايتقاندا، قار كۇرەۋ، قۇم سەبۋ جۇمىستارىنا – 34 تەحنيكا، اياق جولدى تازارتۋ جۇمىستارىنا – 2 تەحنيكا، جۇك تيەگىش – 5 تەحنيكا، جۇك تاسىعىش بورتتى – 8 تەحنيكا قىسقى ماۋسىمعا دايىن.

جالپى اۋدان اۋماعىنداعى كوشە بويلارىنا سەبىلەتىن 795 تەكشە مەتر ينەرتتى ماتەريالدار «لتد تۇرمىس» ءجشس-نىڭ قويماسىنا جيناقتالىپ، ساقتاۋدا تۇر. ال قاجەتتى جانار-جاعارمايدىڭ قورى جەتكىلىكتى.

قالا اكىمى جانار ماي قورى، جۇرگىزۋشىلەر مەن جول جۇمىسشىلار سانى جەتكىلىكتى بولۋى، ينەرتتى ماتەريالداردىڭ تالاپتارعا سايكەس بولۋىن، بارلىق تەحنيكالاردىڭ ارناۋلى لوگو-جازۋلارمەن جابدىقتالۋىن، قار شىعارعان كەزدە ارنايى كولىكتەردىڭ بارىپ كەلۋ سىزباسى جاسالىپ، سوعان سايكەس جۇمىستاردى جۇيەلى اتقارۋدى مىندەتتەدى.

سونداي-اق، قار جاۋعان ساتتەردە قالا تۇرعىندارى قاجەتتى جەرلەرىنە كەپتەلىسسىز جەتۋىنە جاعداي جاساۋ، تاڭعى قىزۋ قوزعالىس باستالعانعا دەيىن جولداردى قاردان دەر كەزىندە تازارتۋ، مەكتەپكە باراتىن وقۋشىلاردىڭ جۇرەتىن جولى قار بولماۋى جونىندە تاپسىرمالار بەردى.