قازاقستانعا دۇنيەجۇزىلىك دەنساۋلىق ساقتاۋ ۇيىمى ماقۇلداعان Covid-19-عا قارسى Pfizer ۆاكسيناسىنىڭ العاشقى پارتياسى جەتكىزىلدى. بۇرىن قول قويىلعان كەلىسىم شەڭبەرىندە Comirnaty Pfizer/BioNTech ۆاكسيناسىنىڭ 4 ملن دوزاسى ساتىپ الىنعان، دەپ حابارلادى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا باسپا ءسوز قىزمەتى.

Comirnaty – امەريكالىق Pfizer كومپانياسى مەن گەرمانيانىڭ BioNTech تەحنولوگيالىق كومپانياسى شىعارعان رنق-عا نەگىزدەلگەن ماتريسالىق ۆاكسينانىڭ (مرنق) ساۋدا اتاۋى. ۆاكسيناسيا كۋرسى 21-28 كۇن ارالىعىمەن ەنگىزىلەتىن ەكى دوزادان تۇرادى.

ۆەدومستۆوارالىق كوميسسيا ۆاكسينانى ءبىرىڭعاي ديستريبيۋتور دەنساۋلىق ساقتاۋ مينيسترلىگىنىڭ ءبولۋ كەستەسىنە سايكەس جەدەل تارتىپپەن وڭىرلەرگە جەتكىزەتىنىن ءمالىم ەتتى.

Comirnaty Pfizer/BioNTech ۆاكسيناسى ددۇ-عا شۇعىل قولدانۋعا رۇقسات ەتىلگەن، ۆاكسينا اقش، ۇلىبريتانيا، كانادا جانە ەو-دا قولدانىلادى. كلينيكالىق زەرتتەۋلەردىڭ ناتيجەلەرى بويىنشا ونىڭ تيىمدىلىگى 95 پايىزدى قۇرايدى. بۇل اقش-تا جەدەل قولدانۋعا رۇقسات ەتىلىپ، (توتەنشە پايدالانۋ اۆتوريزاسياسى، EUA) اياسىندا قولدانىلا باستاعان العاشقى ۆاكسينا.

ۆاكسينا 12 جاسقا تولعان بالالار مەن جۇكتى ايەلدەرگە سالىنادى دەپ جوسپارلانعان.

قازاقستان اۋماعىندا حالىقتى ۆاكسيناسيالاۋ ءۇشىن "QazVac"، "سپۋتنيك V"، "Hayat-Vax"، "سوronavac"، "Sinopharm" ۆاكسينالارى قولدانىلدى.