بۇگىن 29 قاراشا كۇنى ق ر ۇلتتىق كىتاپحاناسىندا قازاقستان جازۋشىلار وداعىنىڭ ۇيىمداستىرۋىمەن ءداستۇرلى ادەبي جىل قورىتىندىسى ءوتتى.

جيىن بارىسىندا جازۋشىلار وداعىنىڭ جانرلىق سەكسيالارى بويىنشا باياندامالار وقىلىپ، جىلدىڭ ادەبي جاڭالىقتارىنا شولۋ جاسالدى. اتى جامان ىندەتتەن الپىسقا جۋىق اقىن-جازۋشى ومىردەن وتكەن ەكەن، سول جانداردى ساعىنىشپەن ەسكە الدى.

قازاقستان جازۋشىلار وداعى شەشىمىمەن ەلىمىزدىڭ ءبىرقاتار اقىن-جازۋشىلارىنا حالىقارالىق "الاش" ادەبي سىيلىعى بەرىلدى.  ديدار امانتاي، ايتقالي نارىكوۆ، قازبەك قۇتتىمۇرات ۇلى، سابىر اداي، سۆەتقالي نۇرجان، سەرىك قالييەۆ،  داۋرەن بەرىكقاجى، ەرجان الاشتۋعان، باقىتجان الديار، زەينەپ احمەتوۆا،  بيعايشا مەدەۋوۆا، ءدىلدار مامىربايەۆا،  ءمادينا وماروۆا سىندى قالامگەرلەر وسى جىلدىڭ يەگەرلەرى اتاندى.