ەسسە جازۋ – مۇعالىمدەردىڭ بىلىكتىلىك ساناتىن كوتەرەتىن تالاپتىڭ ءبىرى بولىپ ەنگىزىلمەك. وعان بەرىلەتىن جالپى ۋاقىت – 30 مينۋت. سوزدەردىڭ سانى 250-300 ءسوز بولۋى ءتيىس. جازباشا ەسسە ءمۇعالىمنىڭ جەكە كابينەتىندە ngt.testcenter.kz سىلتەمەسى بويىنشا كورسەتىلەدى.

بۇل وزگەرىستەر الەۋمەتتىك جەلىدە مۇعالىمدەردىڭ قىزۋ تالقىسىنا ءتۇستى. اتتەستاسيالىق تەستىلەۋ كەزىندە ەسسە جازۋ تۋرالى جاڭالىق ونسىز دا بىلىكتىلىك تەستىلەۋىنەن كوز اشا بەرمەيتىن مۇعالىمدەرگە ۇلكەن سوققى ىسپەتتەس. تەست تاپسىرىپ بولعاننان كەيىن پورتفوليو جيناۋ دا ۇستازدار ءۇشىن وڭاي شارۋا ەمەس.

جەلى قولدانۋشىلارى بارلىق مۇعالىمدەرگە ەسسەنى 100% مەملەكەتتىك تىلدە جازۋ تالابى قويىلسىن، سول كەزدە ءمۇعالىم مارتەبەسىمەن قاتار مەملەكەتتىك ءتىل مارتەبەسى دە وسەدى دەگەن پىكىرلەرىن جازىپ جاتىر.  «مۇعالىمدەردى اتتەستاتتاۋ نەگە ءجيى وزگەرىسكە ۇشىرايدى؟ ۇكىمەتتىڭ اقشا ۇنەمدەۋدەگى جاڭا ءتاسىلى مە؟»، «جوعارىداعى شەندى-شەكپەندەرگە دە جازدىرىپ، سول جازعان ەسسەسىنە قاراي جالاقى تولەنسىن. مۇعالىمدەر قولجاۋلىق بولدى عوي. قوساتىن 5-10 تەڭگەلەرىن جەلكەدەن شىعارىپ... » دەگەن پىكىرلەر دە بار.