باتىس ەلدەرى بەلارۋس پرەزيدەنتى الەكساندر لۋكاشەنكونىڭ ۇكىمەتىن "ادام قۇقىقتارىن بۇزدى جانە ەو شەكاراسىندا زاڭسىز ميگراسيانى ۇيىمداستىرىپ وتىر" دەپ ايىپتاپ ، سانكسيا سالدى.
اقش، كانادا، ۇلىبريتانيا جانە ەۋروپالىق بلوك بەيسەنبى كۇنى بىرلەسكەن مالىمدەمەدە سانكسيانى جاريالاپ، "بەلگىلى ءبىر جەكە تۇلعالار مەن ۇيىمداردى" نىساناعا العانىن ايتتى.
بۇل ارەكەت باتىس ەلدەرىنىڭ لۋكاشەنكونى "قۇقىق بۇزدى جانە ميگراسيالىق داعدارىس تۋدىردى" دەپ ايىپتاپ، وعان قارسى جۇرگىزىپ جاتقان قىسىم ناۋقانىنىڭ ءبىر بولىگى.
"ءبىز بەلارۋس حالقىنىڭ دەموكراتيالىق ۇمتىلىستارىن قولداۋعا دايىنبىز. تاۋەلسىز ازاماتتىق قوعامنىڭ، بۇقارالىق اقپارات قۇرالدارىنىڭ جانە بارلىق بەلورۋستەردىڭ داۋسىن وشىرۋگە تىرىسقان رەجيمگە قارسىمىز. وسى ۇستانىمدى قولدايتىندارمەن بىرگە بولامىز. بەلارۋس حالقى ءوز ەلىندە بولىپ جاتقان شىندىق پەن ادىلەت ءۇشىن كۇرەسىپ جاتىر" دەلىنگەن حابارلامادا.
