نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى قالا قايتادان "سارى" ايماققا ورالۋى مۇمكىن ەكەنىن مالىمدەدى.

15 جەلتوقساننان باستاپ ەلوردا "جاسىل" ايماقتا. الايدا بۇگىنگى كۇنى كوروناۆيرۋس ينفەكسياسىنىڭ تارالۋ قارقىنى بويىنشا نۇر-سۇلتان قالاسىندا RT رەپرودۋكتيۆتى سانى – 0،993 قۇرايدى، ياعني 1،0-گە وتە جاقىن، ودان اسىپ كەتكەن جاعدايدا قالا "سارى" ايماققا كوشەدى. RT رەپرودۋكتيۆتى سانى ايماقتاردى انىقتاۋ كريتەرييلەرىنىڭ ءبىرى.

اپتالىق اۋىرعاندار كورسەتكىشىن سالىستىرا وتىرىپ، اۋرۋدىڭ ءوسۋى بايقالادى، سول سەبەپتەن Rt سانى دا وسۋدە. مىسالى، 17 جەلتوقساندا -532 جاعداي ، 18 جەلتوقساندا – 536، 19 جەلتوقساندا – 521، 20 جەلتوقساندا – 545 جانە 21 جەلتوقساندا اپتاسىنا 552 جاعداي تىركەلگەن. ەلوردا 7 كۇن بويى "جاسىل" ايماقتا بولعاننان كەيىن قوسىمشا جەڭىلدىكتەر ەنگىزىلۋى كەرەك ەدى. الايدا، مەرەكەدەن كەيىنگى تۇراقسىز جاعدايدى ەسكەرە وتىرىپ، ەپيدەميولوگيالىق جاعدايدى تاعى بىرنەشە كۇن باقىلاۋ جوسپارلانۋدا. ەگەر ينفەكسيا بويىنشا تۇرعىنداردىڭ شاعىمدارى كوبەيمەسە، وندا سايكەسىنشە جەڭىلدەتۋلەر ەنگىزىلەدى.

نۇر-سۇلتان قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى بۇرىنعىداي ماسكا رەجيمىن، الەۋمەتتىك قاشىقتىقتى ساقتاۋعا، جاپپاي ءىس-شارالارعا قاتىسپاۋعا شاقىرادى. 

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، "سارى" ايماقتا پاۆلودار، سولتۇستىك قازاقستان وبلىستارى ورنالاسقان.

"جاسىل" ايماقتا: نۇر-سۇلتان، الماتى، شىمكەنت قالالارى، اقمولا، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، قاراعاندى، قوستاناي، ماڭعىستاۋ، شىعىس قازاقستان وبلىستارى.