2022 جىلدىڭ 1 قاڭتارىنان باستاپ بالاباقشا تاربيەشىلەرىنىڭ، مەكتەپتەر مەن كوللەدجدەردىڭ، سونداي-اق قوسىمشا ءبىلىم بەرۋ جۇيەسى پەداگوگتەرىنىڭ جالاقىسى 25%-عا ۇلعايدى. بۇل تۋرالى ءبىلىم جانە عىلىم مينيسترلىگى حابارلادى.
توقايەۆتىڭ تاپسىرماسىمەن پەداگوگتەردىڭ جالاقىسى 2020 جىلدىڭ قاڭتارىندا 25%-عا جانە 2021 جىلدىڭ قاڭتارىندا تاعى 25%-عا وسكەن بولاتىن.
پەداگوگتەردىڭ جالاقىسى وقۋ جۇكتەمەسىنە، ءبىلىم دەڭگەيىنە، بىلىكتىلىگىنىڭ، جۇمىس ءوتىلىنىڭ، ماگيستر دارەجەسىنىڭ بولۋىنا جانە باسقا دا قوسىمشالارعا بايلانىستى ەسەپتەلەدى.
2021 جىلى ماگيسترلىك دارەجە ءۇشىن ۇستەماقى الۋشىلار شەڭبەرى كەڭەيتىلدى. اتاپ ايتقاندا، ادىستەمەلىك كابينەتتەردىڭ ادىسكەرلەرىنە ماگيستر دارەجەسى ءۇشىن قوسىمشا اقى بەلگىلەندى. سونداي-اق، دەنە شىنىقتىرۋ مۇعالىمدەرىنە ساباقتان تىس ۋاقىتتا قوسىمشا سپورت سەكسيالارىن وتكىزگەنى ءۇشىن تولەمدەر جاسالادى.
سونىمەن قاتار، وسى جىلدىڭ 1 قاڭتارىنان باستاپ كىتاپحاناشىلار، بۋحگالتەرلەر، زەرتحاناشىلار جانە ءبىلىم بەرۋ ۇيىمدارىنىڭ باسقا دا قىزمەتكەرلەرىنىڭ جالاقىسى ءوستى.
پىكىر قالدىرۋ