ق ر پرەزيدەنتىنىڭ باسپا ءسوز حاتشىسى بەرىك ءۋالي رەسەي مەن ۋكرايناداعى جاعدايعا قاتىستى بۇگىن 20:30-دا "Qazaqstan" ۇلتتىق تەلەارناسىنا سۇحبات بەرەدى.
"بۇگىن رەسەي پرەزيدەنتى ۆلاديمير پۋتين دونباستا ارنايى اسكەري وپەراسيا باستاعانىن جاريالادى. ءقازىر ەكى ەل اراسىندا اسكەري ءىس-قيمىلدار ءجۇرىپ جاتىر. وسى ماسەلەدە قازاقستاننىڭ ۇستانىمى قانداي ەكەنىن، سونداي-اق قاڭتار وقيعاسىنا قاتىستى ساۋالدارعا جاۋاپ بەرەدى" دەلىنگەن قلتتىق ارنا حابارلاماسىندا.
بۇگىن رەسەي ۋكراينانىڭ شىعىسىنداعى دونباسس ايماعىن قورعايمىز دەگەن جەلەۋمەن ارنايى اسكەري وپەراسيا باستادى. ۋكراينا مۇنى وزىنە قارسى جاسالعان باسقىنشىلىق سوعىس دەپ باعالاۋدا.
قازىرگى ۋاقىتتا ۋكراينادا اسكەري رەجيم ەنگىزىلگەن. ءتۇرلى اقپاراتتاردا ۋكراينا شەكاراسىنا قاراي رەسەي جاقتان كوپتەگەن اسكەري تەحنيكا جىلجىپ كەلە جاتقانى ايتىلادى.
ۋكراينا پرەزيدەنتى ۆلاديمير زەلەنسكيي الەم ەلدەرىنە پۋتينگە قارسى كواليسيا قۇرۋعا شاقىرۋدا.
ۋكراينانىڭ توتەنشە جاعداي قىزمەتى لۋگانسك وبلىسىندا ەكى اۋىلدى باسقىنشىلار باسىپ العانىن، كييەۆ وبلىسىندا اسكەري قارۋ-جاراق قويماسى ورتەنگەنىن جاريالادى.
سونداي-اق ۋكراينا تاراپىنان ءبىر ادام مەرت بولعانى حابارلاندى.
وقي وتىرىڭىز:
♦ پرەزيدەنت باسپا ءسوز حاتشىسىنىڭ بۇگىنگە جوسپارلانعان سۇحباتى كەيىنگە قالدى
پىكىر قالدىرۋ