تۇركيا 1 ماۋسىمنان باستاپ شەكارا بەكەتتەرى ارقىلى كىرەتىن ادامداردان پتر تەست تالاپ ەتپەيدى. بۇل تۋرالى تۇركيالىق Hurriyet سايتى حابارلادى.
ءقازىردىڭ وزىندە تۇركياداعى قوعامدىق ورىنداردا مەديسينالىق ماسكا كيۋ تالابى الىنىپ تاستالعان. جەرگىلىكتى بيلىك كوروناۆيرۋسقا بايلانىستى سوڭعى دەرەكتەردى ساراپتاي وتىرىپ وسىنداي شەشىم شىعارعان.
"كوروناۆيرۋس پاندەمياسىنا قاتىستى قازىرگى جاعدايدى ەسكەرە وتىرىپ، 1 ماۋسىمنان باستاپ ەلگە شەكارا بەكەتتەرى ارقىلى كىرۋ ءۇشىن 72 ساعات بۇرىن تاپسىرىلاتىن پتر-تەستىڭ نەمەسە 48 ساعات بۇرىن انتيگەنگە تاپسىرىلاتىن ەكسپرەسس-تەستىڭ ناتيجەسى تالاپ ەتىلمەيدى" دەلىنگەن رەسمي حابارلامادا.
پىكىر قالدىرۋ