ۋكراينادا سوعىس باستالعالى ەلدە 4113 بەيبىت تۇرعىن قازا تاپتى، 4916 ادام جاراقات العان. بۇل تۋرالى بۇۇ ادام قۇقىقتارى جونىندەگى جوعارعى كوميسسارى باسقارماسى حابارلادى.
رەسمي دەرەكتە لۋگانسك پەن دونەسك وبلىستارىندا قازا تاپقانداردىڭ سانى كوپ ەكەنى ايتىلادى. بۇل ايماقتاردا 2337 ادام قازا تاۋىپ، 2808 ادام اۋىر جارالانعان.
بەيبىت تۇرعىنداردىڭ كوبى اۋىر ارتيللەريا مەن رەاكتيۆتى جۇيەلەردەن اتقىلاۋدان، زىمىران مەن اۆياسيالىق سوققىلاردان قازا تاپقان.
بۇۇ سوعىس قۇرباندارىنىڭ ناقتى سانى رەسمي دەرەكتەردەن الدەقايدا كوپ دەپ سانايدى. ويتكەنى قارقىندى ۇرىس جۇرگىزىلگەن كەيبىر جەرلەردەن اقپارات الۋ كەشىگىپ جەتكەن، كوپتەگەن حابارلامالار ءالى دە راستالماعان.
پىكىر قالدىرۋ