ۋكراينا پرەزيدەنتى ۆلاديمير زەلەنسكيي باتىس ەلدەرىن ۋكرايناعا اۋە قورعانىس جۇيەسىن ورناتۋعا شاقىردى، دەپ جازادى bbc.
"بىزگە مىقتى، زاماناۋي جانە ءتيىمدى اۋە قورعانىسى كەرەك. اۋە قورعانىسى ۋكراينانى رەسەيلىك راكەتالاردان تولىقتاي قورعاي الۋى كەرەك. سەرىكتەستەرىمىزبەن وسى تۋرالى ۇنەمى سويلەسەمىز"، دەيدى زەلەنسكيي.
سونداي-اق زەلەنسكيي بىرنەشە كەلىسىمگە قول قويىلعانىن دا ايتتى.
"بىرنەشە كەلىسىم جاسالدى. ەگەر شىنىمەن باقىلاۋشى ەمەس، سەرىكتەستەرىمىز بولسا تەزىرەك قيمىلداۋى كەرەك. ەلىمىزگە قارۋ-جاراقتى بەرۋدى كەشىكتىرۋ رەسەيدىڭ قايتا-قايتا سوققى جاساۋىنا سەبەپ بولادى"، دەدى ۋكراينا پرەزيدەنتى.
بۇعان دەيىن ۋكراينانىڭ قورعانىس ءمينيسترى الەكسەي رەزنيكوۆ باتىستى ۋكرايناعا زىمىرانعا قارسى ءتيىمدى قورعانىس جۇيەسىن ورناتۋعا شاقىرعان.
ونىڭ ايتۋىنشا، رەسەيدىڭ ۋكراينانى ءوز اۋماعىنان، بەلارۋس اۋماعىنان جانە كاسپيي مەن قارا تەڭىز ارقىلى زىمىرانمەن شابۋىل جاساۋى ەۋروپا ەلدەرىنە ءقاۋىپ توندىرەدى.
پىكىر قالدىرۋ