سىرتقى ىستەر ءمينيسترىنىڭ ورىنباسارى ەرمۇحامبەت قونىسپايەۆ ۋكراينانىڭ قازاقستانداعى ەلشىسى پەتر ۆرۋبليەۆسكييمەن كەزدەستى، دەپ حابارلادى ءسىم باسپا ءسوز قىزمەتى.
"كەزدەسۋ بارىسىندا ەلشىگە 21 تامىزدا قازاقستاندىق بلوگەر دياس قۇزايىرعا بەرگەن سۇحباتىندا ايتقان مالىمدەمەلەرىنە بايلانىستى نارازىلىق ءبىلدىرىلدى. قازاقستان تاراپى مۇنداي مالىمدەمەلەردىڭ شەت مەملەكەت ەلشىسىنىڭ قىزمەتىنە ساي كەلمەيتىنى جانە قولايسىزدىعى تۋرالى ۇستانىمىن ءبىلدىردى. مۇنداي ءىس-قيمىلدار مەملەكەتتەر اراسىنداعى دوستىق قاتىناستارعا نۇقسان كەلتىرمەۋى ءتيىس"، دەلىنگەن ءسىم تاراتقان حابارلامادا.
بۇعان دەيىن قازاقستان حالقى اسسامبلەياسى پەتر ۆرۋبليەۆسكييدىڭ رەسەي باسقىنشىلىعى تۋرالى "كەلەشەكتە ولار ءبىزدىڭ بالالارىمىزدى ولتىرمەۋى ءۇشىن ورىستاردى كوپتەپ ولتىرەمىز" دەپ ايتقانىنا بايلانىستى مالىمدەمە جاساعان بولاتىن.
پىكىر قالدىرۋ