سىبايلاس جەمقورلىققا قارسى قىزمەت شەتەلدەگى بانكير، وپپوزيسيالىق ساياساتكەر، قازاقستان حالىقارالىق ىزدەۋ جاريالاعان مۇحتار ءابىليازوۆتىڭ سىبايلاسى ەلگە قايتارىلدى.

ۆەدومستۆو مالىمەتىنشە، "بتا-بانك" اق بۇرىنعى توپ-مەنەدجمەنتىنە قاتىستى قىلمىستىق ءىس بويىنشا 2011 جىلدان باستاپ ىزدەۋدە بولعان "جاڭا قالقامان" ءجشس-نىڭ ديرەكتورى پاك ۆيتاليي لەونيدوۆيچ ءوز ەركىمەن ەلگە ورالعان.

"2006-2008 جىلدار ارالىعىندا اتالعان كومپانياعا زاڭسىز نەسيە بەرۋ ارقىلى مۇحتار ءابليازوۆ پەن ونىڭ سىبايلاستارى 8،9 ميلليارد تەڭگەدەن استام قاراجاتتى جىمقىرعان"، - دەلىنگەن حابارلامادا.

2019 جىلى پاك قحر (چەندۋ ق.) اۋماعىندا بولعانى انىقتالدى.

"كۇدىكتىنىڭ جاقىن تۋىستارىمەن جانە ادۆوكاتىمەن ءتيىستى ءتۇسىندىرۋ جۇمىستارى جۇرگىزىلگەننەن كەيىن، پاك قازاقستانعا ورالۋعا نيەت ءبىلدىرىپ، ول تۋرالى جازباشا ءوتىنىش جولدادى. بيىل 27 تامىزدا ق ر ءىىم ينتەرپولدىڭ كومەگىمەن پاك چەندۋ قالاسىنان الماتى قالاسىنا كەلىپ، تەرگەۋ يزولياتورىنا قامالدى" دەپ تولىقتىردى ۆودومستۆو وكىلى.