كاسىپكەر راميل مۋحورياپوۆتىڭ قازاق تىلىنە بايلانىستى ايتقان داۋلى مالىمدەمەسى بويىنشا قىلمىستىق ءىس قوزعالدى. بۇل تۋرالى الماتى قالاسىنىڭ پوليسيا دەپارتامەنتى جۋرناليست اسان اناربايدىڭ ساۋالىنا بەرگەن جاۋابىندا حابارلاعان.
"ال، دوستار، راميل مۋحورياپوۆتىڭ مالىمدەمەسىنە قاتىستى ارىز بويىنشا قىلمىستىق ءىس قوزعالدى. الماتى قالاسىنىڭ الماتى قالاسىنىڭ پوليسيا دەپارتامەنتى ەكسترەميزمگە قارسى ءىس-قيمىل باسقارماسى 20 قازاندا ق ر باس پروكۋراتۋراسى مەن الماتى قالاسىنىڭ پروكۋراتۋراسىنا تۇسىرگەن ارىزىما قىلمىستىق ءىس اشقانى جايلى جاۋاپ بەرىپتى. الماتى ق. پد ەقىسب باستىعىنىڭ مىندەتىن اتقارۋشى د.ە.ابيكۋلوۆ قول قويعان حاتقا سەنسەك، پد تەرگەۋ باسقارماسىنىڭ ق ر قىلمىستىق كودەكسىنىڭ 174-بابىنىڭ (“الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني الاۋىزدىقتى قوزدىرۋ”) 1-بولىگىمەن سوتقا دەيىنگى تەرگەپ-تەكسەرۋدى باستاعان. " دەيدى جۋرناليست.
ءابىقۇلوۆ تەرگەلىپ جاتقان قىلمىستىق ءىس شەڭبەرىندە پسيحولوگيالىق-فيلولوگيالىق ساراپتاما تاعايىندالىپ، ناتيجەلەرى بويىنشا پروسەسسۋالدىق شەشىم قابىلداناتىن جەتكىزگەن.
اسان انارباي ايتۋىنشا، بۇل ايىپتىڭ جازاسى زاڭدا ءۇش نۇسقادا كوزدەلگەن: 2 مىڭ-7 مىڭ اەك ايىپپۇل، 2-7 جىل ارالىعىندا باس بوستاندىعىن شەكتەۋ نەمەسە ايىرۋ.
Chocofamily باسشىسى راميل مۋحورياپوۆتىڭ رەسەيلىكتەرمەن كەزدەسۋ كەزىندە قازاقشا بىلمەيتىن وزگە ۇلت وكىلدەرىنە ورىسشا بىلە تۇرا قازاق تىلىندە جاۋاپ بەرۋ مادەنيەتسىزدىك ەكەنىن ايتقان سوزدەرى داۋ تۋدىرعان. اتالعان وقيعادان سوڭ قازاقستاندىقتار Chocofamily ونىمدەرىنە بايكوت جاريالاپ، ونىڭ ۇستىنەن باس پروكۋراتۋراعا دەپۋتاتتار، جەكەلەگەن ازاماتتار ارىزدانعان. راميل مۋحورياپوۆ بولسا، الەۋمەتتىك جەلى ارقىلى كوپشىلىكتەن كەشىرىم سۇراپ، ارتىق كەتكەنىن مويىنداعان.
پىكىر قالدىرۋ